Baćki etničnaha ałbanca Ibrahima Škupoli, jaki zabiŭ ŭ finskim handlovym centry Sello ranicaj 31 śniežnia čatyroch čałaviek — adnu žančynu i troch mužčyn, a raniej jašče adnu žančynu, prosiać u finskaha naroda prabačeńnia za ŭčynak svajho syna.

Siamiejnaja para, jakaja pražyvaje ŭ finskim horadzie Espoo, nie čakała, što jaje syn pojdzie na kryvavaje złačynstva, choć i apisała jaho, jak «prablemnaha čałavieka, u jakoha byli roznahałośsi z usimi svajakami». Pa słovach baćkoŭ ałbanca, ich syn ni z kim nie ličyŭsia, piša hazieta Ilta‑Sanomat.

Pažyłaja para dziakuje finskamu narodu za haścinnaść i mahčymaść znajści ŭ krainie prytułak paśla taho, jak jany kala dvaccaci hadoŭ tamu vymušanyja byli źjechać z Kosava. Jany nazyvajuć ŭčynak syna «absalutna niezrazumiełym» i prosiać u finskaha naroda prabačeńnia.

Ibrahim Škupoli zładziŭ 31 śniežnia ŭ Espoo kryvavuju bojniu. Spačatku Škupoli zabiŭ z dapamohaj naža svaju kachanki ŭ jaje kvatery ŭ Leppiavaara. Paśla hetaha mužčyna adpraviŭsia ŭ handlovy centr Sello Prisma, dzie zastreliŭ troch mužčyn i žančynu.

Paźniej zabojca zastreliŭsia ŭ svaim ułasnym domie ŭ Espoo z toj ža zbroi.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?