Litoŭskija prakurory atrymali śviedčańnie taho, što zahadkavaja hibiel supracoŭnika dziaržbiaśpieki Litvy Vitaŭtasa Pociunasa moža być źviazana z vykanańniem u Biełarusi asabliva sakretnaha zadańnia.

Nibyta Pociunas, jaki zahinuŭ ŭ Breście ŭ 2006 hodzie, cikaviŭsia źnikłymi ŭ Litvie hrašyma z ZŠA, vyłučanymi na padtrymku biełaruskaj apazicyi.

Eks-staršynia kamiteta pa nacyjanalnaj biaśpiecy i abaronie Alhimantas Matulavičus śćviardžaŭ, što čuŭ ab tym, što pierad zahadkavaj hibiellu Pociunasa ŭ Biełarusi hety supracoŭnik Departamienta dziaržbiaśpieki Litvy cikaviŭsia losam hetych hrošaj, paviedamlajuć «Naviny» ŁNK.

«Kažuć i pra 40 miljonaŭ, i pra 30 miljonaŭ dalaraŭ ZŠA,
ale ciažka skazać, bo ja ich u rukach nie trymaŭ. I niezrazumieła, jakaja častka asieła tut, u Litvie. Kali jon cikaviŭsia, to infarmacyja haračaja i nastupny vyvad adpaviedny, vy sami možacie jaho zrabić «, — skazaŭ Matulavičus.

Jon zajaviŭ, što niekatoryja supracoŭniki DHB ŭžo paśla parłamienckaha rasśledavańnia ab dziejnaści departamienta chacieli raskazać pra źnikłyja hrošy z Amieryki, ale paśla pieradumali.

«U DHB pieramienaŭ nie adbyłosia, a ludzi pačali vieryć, što adbuducca istotnyja pieramieny, i mnoj byŭ atrymany sihnał, što pryjduć i raskažuć jašče, a potym budzieš dumać, što ź ludźmi raspravilisia, potym ludzi pieradumali», — raspavioŭ Matulavičus.

Pociunas zahinuŭ u kancy leta 2006 hoda ŭ Breście. Prakurory pryjšli da vysnovy, što jon zahinuŭ u vyniku niaščasnaha vypadku,
dasudovaje rasśledavańnie było zakryta, adnak paśla skarhi ŭ sud jaho adnavili ŭ treci raz.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?