«Pucin, naviadzi paradak z Ukrainaj i Brusielem, a taksama z našymi pravicielami», — tak pierakładajecca łozunh, prylepleny da adnaho sa sta fiermierskich traktaroŭ u Hažyčkach, što niedaloka ad češskaj miažy.

Heta vyklikała ŭ Polščy skandał, pakolki i ŭłady, i hramadstva ŭ hetaj krainie stajać u cełym na antyrasijskich pazicyjach i vystupajuć u padtrymku Ukrainy. 

Arhanizatary pratestu rašuča adchryścilisia ad hetaha łozunha. Jany raskazali karespandentu vydańnia Gazeta Wyborcza, što ŭdzielniki padbirajuć baniery dla mierapryjemstva indyvidualna, a sami jany nie tolki nie majuć ničoha suprać Ukrainy, ale jakraz naadvarot.

«My trymajem za ich kułaki ŭ vajnie, tamu što viedajem, što kali jany prajhrajuć, to ŭ nas na miažy apyniecca Rasija», — skazaŭ adzin z udzielnikaŭ pratestu.

Paviedamlajuć, što fiermiera ŭžo zatrymali, jamu vystavili dva abvinavačańni: za raspalvańnie i ŭschvaleńnie ahresiŭnaj vajny i prapahandu tatalitaryzmu.

Čytajcie taksama:

Polskija fiermiery pierakryli miažu z Ukrainaj i nie prapuskajuć navat pasažyraŭ

Varšava vybačyłasia pierad Ukrainaj za vysypanaje zbožža na miažy

Polšča budzie madernizavać aharodžu na miažy ź Biełaruśsiu

Клас
10
Панылы сорам
34
Ха-ха
7
Ого
2
Сумна
0
Абуральна
13