Praź miesiac paśla zdareńnia staršy ŭčastkovy milicyjanier adździaleńnia achovy pravaparadku MUS major Jaŭhien Krasiuk paviedamiŭ pra vyniki pravierki.

Aficyjny adkaz milicyi z admovaj raspačynać kryminalnuju spravu (krynica: zoaabarončy kanał u Instagram)

Aficyjny adkaz milicyi z admovaj raspačynać kryminalnuju spravu (krynica: zoaabarončy kanał u Instagram)

Pavodle paviedamleńnia, milicyi ŭdałosia ŭstanavić čałavieka, jaki zarezaŭ sabaku: jaho zavuć Jaŭhien Achłamionak. Matyŭ zabojstva sabaki na placoŭcy dla śmiećcia ŭ dvary žyłoha doma tłumačycca tak: «Sabaka byŭ stary i pakutavaŭ ad chvarob».

Jaŭhien Achłamionak z sabakam u 2022 hodzie (krynica: asabistaja staronka Achłamionka ŭ «VKontaktie»)

Jaŭhien Achłamionak z sabakam u 2022 hodzie (krynica: asabistaja staronka Achłamionka ŭ «VKontaktie»)

Sam Achłamionak tłumačyŭ svaje dziejańni tak: «Ździejśniŭ [zabojstva], bo nie moh nazirać, jak sabaka pakutuje, a baćki byli suprać usypleńnia sabaki ŭ vieterynarnaj klinicy».

Učastkovy Krasiuk 19 studzienia nakiravaŭ danyja pravierki ŭ miascovy adździeł Śledčaha kamiteta. Praz 5 dzion śledčyja viarnuli materyjał učastkovamu z admovaj raspačynać kryminalnuju spravu pavodle artykuła «Žorstkaje abychodžańnie z žyviołaj» (č. 1 art. 339). Jany rastłumačyli, što kryminalnaja adkaznaść pa hetym artykule nastupaje tolki ŭ vypadku ździajśnieńnia dziei ŭ prysutnaści małaletniaha abo z chulihanskich, karyślivych ci inšych nizkich pamknieńniaŭ. Tut ža ničoha hetaha, maŭlaŭ, nie było.

U vyniku śledčyja prapanavali pryciahnuć Achłamionka da adkaznaści pa administracyjnym artykule 16.29 «Žorstkaje abychodžańnie z žyviołaj abo pazbaŭleńnie ad žyvioły». Pa hetym artykule samaje surovaje pakarańnie — štraf u 30 bazavych vieličyń.

Čytajcie taksama:

Pamiatajecie, jak u Barysavie sabaki «zapuścili» aŭto? Voś što mahło być pryčynaj zdareńnia

U Mazyry svojski sabaka pravaliŭsia pad lod i ledź nie zahinuŭ

U Ždanovickim sielsaviecie vyjavili šalenstva. Chvoraja kazula pryjšła na padvorak — ź joj kantaktavali i ludzi, i žyvioły

Клас
1
Панылы сорам
6
Ха-ха
0
Ого
1
Сумна
2
Абуральна
15