Stali viadomyja padrabiaznyja vyniki hałasavańnia ŭ Minharsaviet pa Šuhajeŭskaj akruzie №57. Jana admietnaja tolki tym, što tut vyrašyła bałatavacca antybiełaruskaja aktyvistka i danosčyca Volha Bondarava.
Jana sprabavała ŭleźci ŭ dahavarniak pamiž ideołaham z vajskovaj čaści 3214 Michaiłam Adamčykam i zavučam himnazii №38 Śviatłanaj Paźniak, ale vynik atrymaŭsia sumny.
Što ŭ vyniku napisali ŭ pratakoły?
- Na vybary nibyta pryjšli 12955 čałaviek (jaŭka 61,3%).
- Michaiłu Adamčyku napisali 6607 hałasoŭ (51%).
- Śviatłanie Paźniak dali 3498 hałasoŭ (27%).
- Dla aŭtsajdarki Volhi Bondaravaj pakinuli 609 hałasoŭ žycharoŭ Uručča (4,7%).
- Bondaravaj pakazali, što jana ŭ razy prajhrała navat kandydatu «suprać usich», u jakoha 2164 hałasy (16,7%).
- Jašče 77 biuleteniaŭ (0,59%) vybarcy sapsavali.
Naturalna, hetyja ličby nie majuć ničoha ahulnaha z realnym hałasavańniem. Vybary na hetaj akruzie byli sfalsifikavanyja, jak minimum była nakručanaja jaŭka. Sapraŭdny padlik biuleteniaŭ nie pravodziŭsia, tamu nasamreč za Bondaravu mahli pakinuć jak bolš hałasoŭ, tak i mienš.
Pakazalna, što pieramožcu i kandydatu-spojleru sprabavali malavać roŭnyja ličby, i heta amal atrymałasia — u Adamčyka ŭ vyniku 50,9996%, a ŭ Paźniak 27,0011%.
Kamisija spracavała vielmi tonka, blizka da ideału: kali, naprykład, zabrać adzin hołas u Paźniak i pierakinuć Adamčyku, ličby atrymajucca trochi mienš pryhožymi.
Čytajcie taksama:
Bondarava atakavała BiełTA za Ukrainu
Volha Bondarava ŭstupiła ŭ zavočnuju sprečku z Łukašenkam
Prarasijskija aktyvisty sprabavali nakrucić hałasy suprać imionaŭ vybitnych biełarusaŭ
Bondarava sprabuje dabicca, kab prypynki ŭ transparcie ahučvali pa-rusku. Jaje paŭsiul adfutbolili
