Jeŭrapiejski parłamient uchvaliŭ zakon ab štučnym intelekcie, jaki ŭstanaŭlivaje patrabavańni da raspaznavańnia tvaraŭ abo da prahram dla pracy z tekstam i vyjavami, takim jak ChatGPT, piša Bild.
Naprykład, raspracoŭščyki pavinny buduć markiravać teksty, huki i vyjavy, stvoranyja z dapamohaj štučnaha intelektu, kab nie ŭvodzić ludziej u zman.
Bolš strohija praviły pavinny prymianiacca da dadatkaŭ «z vysokimi ryzykami», takim jak raspaznańnie tvaraŭ na vakzałach abo ŭ inšych hramadskich miescach. U budučyni spatrebicca rašeńnie sudu dla vykarystańnia takich technałohij.
Pa sutnaści zakonam zabaraniajecca masavaje sačeńnie z vykarystańniem bijamietryčnych danych, jak heta robicca ŭ Kitai.
Hałoŭny kamisar ES pa ŭnutranym rynku Ćjery Bretan nazvaŭ novyja praviły «histaryčnymi». Pavodle jaho słoŭ, heta pieršy ŭ śviecie zakon ab štučnym intelekcie.
Čytajcie taksama:
Chutka prahramisty stanuć niepatrebnyja, ich zamienić štučny intelekt — kiraŭnik NVIDIA
Sajuźniki źbirajucca pieradać Ukrainie tysiačy dronaŭ sa štučnym intelektam
