Nadpis «Vilnia naša» na ŭjeździe ŭ Vilniu. Fota: tv3.lt
U roznych litoŭskich resursach źjaviłasia fota ŭjezdu ŭ Vilniu. Kala znaka napisana «Vilnia naša» i namalavany nacyjanalny ściah Biełarusi. Najchutčej, biełarusy nie majuć da jaho dačynieńnia.
Praca pa malavańni takich hrafici prapanujecca ŭ čatach pra pracu ŭ Vilni. Adzin z akaŭntaŭ my vyličyli. Jon maje ID 7123162933. Z hetaha akaŭnta prapanavałasia «zrabić hrafici «Vilnia naša» ŭ bačnym miescy stalicy Litvy. Za heta sapraŭdy abiacali 50 jeŭra ŭ kryptavalucie.
Akaŭnt, ź jakoha sprabavali šukać «lićvinistaŭ», i paviedamleńnie, jakoje jon pakinuŭ
Admietna, što ŭ karystalnika, imavierna, niama kiryličnaj raskładki na smartfonie. Taksama jon zaŭvažany jašče ŭ dvuch čatach, praŭda, charvackich.
Čaty, u jakich zaŭvažany hety karystalnik
Adno ź minułych imionaŭ karystalnika — Nokalas. Heta nie litoŭskaje imia, jano sustrakajecca ŭ Łacinskaj Amierycy, u Skandynavii i na Bałkanach. Taksama im jak niknejmam karystajucca niekatoryja rasijanie.
\
Historyja źmienaŭ imionaŭ karystalnika, jaki prapanavaŭ hrošy za «lićvinisckija» hrafici
Takim čynam, realnyja «lićvinisty» abo choć-jakija biełarusy nie majuć dačynieńnia da hetaha hrafici. Chto staić za hetaj pravakacyjaj — niezrazumieła.
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Čytajcie taksama:
«Nie možam harantavać biaśpieki». U Vilni admianili sustreču z Uładzimiram Arłovym
Departamient dziaržbiaśpieki Litvy nie znajšoŭ hrup lićvinistaŭ, jakija pahražajuć biaśpiecy krainie
Vyniki apošniaha apytańnia pakazali, što litoŭcy prychilna staviacca da biełarusaŭ
