Anžalika Ahurbaš na «Pieršym kanale». Skryn videa

Anžalika Ahurbaš na «Pieršym kanale». Skryn videa

 U liście na imia Ernsta, jaki trapiŭ u rasparadžeńnie «Soty», biełaruski ambasadar Dźmitryj Kruty aceńvaje zjaŭleńnie Ahurbaš u efiry «ŭ Dzień jadnańnia narodaŭ Biełarusi i Rasii jak spłanavanuju pravakacyju, nakiravanuju na padryŭ adzinstva narodaŭ, namahańniaŭ našych lidaraŭ pa zabieśpiačeńni biaśpieki Sajuznaj dziaržavy, sumiesnaha procidziejańnia reabilitacyi nacyzmu i pierapisvańniu historyi».

«Infarmujem, što A. Ahurbaš sa žniŭnia 2020 h. raźmiaščała ŭ sietcy internet źviestki, nakiravanyja na ŭzbudžeńnie sacyjalnaj varožaści i varožaści ŭ dačynieńni da supracoŭnikaŭ pravaachoŭnych orhanaŭ, dziaržaŭnych słužačych, pradstaŭnikoŭ ułady, a taksama abrazy prezidenta Respubliki Biełaruś», — piša Kruty.

Pa słovach Krutoha, Ahurbaš prymała aktyŭny ŭdzieł u niesankcyjanavanych mitynhach i pikietach kala pasolstva Biełarusi ŭ Maskvie, «padčas jakich aktyŭna vykarystoŭvałasia simvolika biełaruskich kałabaracyjanistaŭ, jakija supracoŭničali z nacystami padčas Vialikaj Ajčynnaj vajny», — tak nazyvaje Kruty nacyjanalnuju simvoliku.

Biełaruski pasoł abiacaje dać «Pieršamu kanału» kantakty «patryjatyčna nastrojenych» biełaruskich śpievakoŭ zamiest Ahurbaš.

U Biełarusi suprać Ahurbaš zaviedzienaja kryminalnaja sprava, u 2021 hodzie hienprakuratura biespaśpiachova patrabavała ad Rasii vydačy Ahurbaš.

U lutym pasoł Biełarusi ŭ Maskvie Dźmitryj Kruty anansavaŭ stvareńnie abjadnanaha rejestra terarystaŭ i ekstremistaŭ dla Rasii i Biełarusi.

Čytajcie taksama:

Anžalika Ahurbaš pryjšła ŭ rasijskaje telešou «Ekstrasensy» 

«Praź niekalki chvilin vahon pranizali kryki Ahurbaš». Prapahandysty źviarnuli ŭvahu na pieśni ŭ ciahnikach

Viaskoŭka vykłała ŭ tyktok pieśniu pra «Biełuju Ruś». Jabaćka aburyłasia, što taja niedastojnaja vykonvać patryjatyčnyja pieśni

Клас
4
Панылы сорам
29
Ха-ха
46
Ого
2
Сумна
4
Абуральна
23