Ramina Piatravičus i Steła Mamulan

Ramina Piatravičus i Steła Mamulan

Ramina Piatravičus

Pavodle słovaŭ inšych źniavolenych, Raminie kala 23—25 hadoŭ. Raskazvajuć, što artykuł Raminy — 328, to-bok jana siadzieła za narkotyki.

U dziaŭčyny jość maleńkaje dzicia. Uvohule, siamja Raminy prablemnaja: jaje maci raniej adbyvała termin u toj ža kałonii, siamja žyła vielmi niebahata.

Adna sa źniavolenych žyła z Raminaj u adnoj siekcyi: «U pieršy moj dzień u atradzie, kali ja lahła spać, Ramina ź inšymi pryjšła z druhoj źmieny. Ja lažała na druhim jarusie, a tam łožki ź sietki, jany vielmi rypiać. Ramina pačała na mianie maciukacca — maŭlaŭ, jana adpracavała, a ja pieraškadžaju joj spać. Nas papiaredžvali, što maciukacca nielha, heta parušeńnie.

Rankam ja pryjšła da zaŭhasa i skazała, što Ramina na mianie maciukałasia. Zaŭhas sabrała dziaŭčat z našaj siekcyi, jany ŭsie skazali, što ja prydumlaju. Ja zrazumieła, što ničoha nie dakažu, i vybačyłasia. Vidać, Ramina dumała, što novuju palityčnuju treba aŭtamatyčna presavać, ale potym joj, moža, pryjšoŭ zahad źvierchu mianie nie čapać».

U kancy 2022-ha Ramina daniesła na Kaleśnikavu, što taja maciukałasia, i za heta Maryju vyklikali na kamisiju. Inšyja źniavolenyja byli ŭpeŭnienyja, što maciukacca Kaleśnikava nie mahła.

Maryja Kaleśnikava na sudzie. Fota: Ramil Nasibulin/BelTA pool photo via AP, File

Maryja Kaleśnikava na sudzie. Fota: Ramil Nasibulin/BelTA pool photo via AP, File

Ramina nie chavała, što supracoŭničaje z apieratyŭnikam pa proźviščy Kuźniacoŭ — raniej inšyja palitźniavolenyja raskazvali, što jon aktyŭna prydumlaŭ novyja sposaby katavańniaŭ źniavolenych. Dyj sam Kuźniacoŭ adkryta pra heta kazaŭ. Viadoma, što ŭ 9-m atradzie siadzieła Sofja Sapieha, i jana mocna paciarpieła ad presinhu z boku Raminy.

Jašče adna jaje achviara z palitźniavolenych — Antanina Kanavałava, jakaja taksama niejki čas adbyvała termin u 9 atradzie. Raskazvajuć, što Ramina nalivała joj vadu ŭ łožak ci ŭ boty, a chadzić ci stajać na marozie ŭ mokrym abutku vielmi składana. 

«Jana zaŭsiody była ŭ bajavym makijažy, bo joj tam dazvalałasia bolš, čym inšym. Ad jaje možna było čakać čaho zaŭhodna», — tak źniavolenaja zhadvaje Raminu.

Inšaja byłaja źniavolenaja raskazvaje, što Ramina, u adroźnieńnie ad jaje maci, nie karystałasia navat pavahaj svaich suajčyńnikaŭ-cyhan. Dy i pavodziła jana siabie nie tak, jak inšyja cyhanie: nasiła vielmi adkrytaje adzieńnie i mieła šmat tatuirovak.

Pa niepaćvierdžanaj infarmacyi, ciapier i Ramina, i jaje maci znoŭ za kratami — jany vychodzili na volu, ale nienadoŭha.

Steła Mamulan

Jašče adna maładaja dziaŭčyna, jakaja supracoŭničaje z administracyjaj kałonii. U daturemnym žyćci Steła zajmałasia futbołam: na jaje staroncy ŭ sacsietcy paznačana, što dziaŭčyna hulała ŭ adnoj z moładzievych kamand žanočaha kłuba «Zorka-BDU». Taksama dziaŭčyna ŭdzielničała ŭ 4 hulniach žanočaha čempijanatu Biełarusi pa mini-futbole ŭ siezonie 2019/2020, jana vystupała za kłub «Infinici».

23-hadovuju Stełu viedajuć źniavolenyja z roznych atradaŭ — jaje pieramiaščali z atrada ŭ atrad, kab jana raspracoŭvała palitźniavolenych. Dziaŭčyna ładziła pravakacyi: jana mahła, naprykład, napaści fizična na palitźniavolenuju ci padkinuć joj u łožak vykarystanyja prakładki. «Treba padstavić kahości, ablić ci niešta padkinuć — kali łaska», — tak apisvaje Stełu i Raminu byłaja palitźniavolenaja Mia Mitkievič.

Mia była adnoj z achviar pravakatarki: naprykład, jana ciarpieła ad fizičnaha hvałtu z boku Steły. Mamulan za heta nichto nie karaŭ — naadvarot, jana karystałasia bolšaj svabodaj, čym inšyja dziaŭčaty.

Siarod pryvilehij, jakija Steła atrymlivała za takuju «pracu», była i svaboda ŭ asabistym žyćci — dziaŭčyna mahła svabodna zaviazvać adnosiny ź inšymi źniavolenymi žančynami.

U niejki momant Steła apynułasia ŭ adnym atradzie z Maryjaj Kaleśnikavaj. Eks-źniavolenyja raskazvajuć, što jana padviała Kaleśnikavu pad pieršy rapart za «parušeńnie»: uziała ŭ Maryi časova hadzińnik i potym prademanstravała jaho supracoŭnikam kałonii. A čymści dzialicca — farmalna parušeńnie ŭnutranych praviłaŭ.

Mitkievič udakładniaje, što kali ŭ kałonii karajuć za «adčužeńnie-prysvajeńnie», to-bok za toje, što ty čymści padzialiłasia ź inšym čałaviekam, karajuć abiedźviuch źniavolenych: tuju, jakaja padzialiłasia, i tuju, jakaja ŭziała. Ale ŭ vypadku z Kaleśnikavaj supracoŭniki nie źviarnuli ŭvahi na «pravinu» Steły.

Pra Stełu paviedamlajuć, što jana doŭhi čas ucirałasia ŭ davier da Kaleśnikavaj. Tamu, miarkuje adna z byłych źniavolenych, Steła adkaznaja za bolšaść pakarańniaŭ, paniesienych Kaleśnikavaj. Joj prypisvajuć i nastupnuju historyju, typovuju dla pravakatarak — takich, jak Steła.

Adnojčy Kaleśnikavaj pastavili rapart za «parušeńnie» praz toje, što jana byccam by biez dazvołu pakinuła pracoŭnaje miesca. Jak i bolšaść inšych źniavolenych u PK-4, Maryja pracavała švačkaj, i jaje mašynka stajała roŭna pad dźviuma kamierami. Prybiralnia znachodzicca daloka — kab tudy trapić, treba prajści praź niekalki inšych bryhad.

Zvyčajna pierad tym, jak syści ŭ prybiralniu, źniavolenyja papiaredžvali bryhadzirku, to-bok kryčali joj, što vychodziać. Źniavolenaja, ź jakoj my hutaryli, upeŭnienaja, što i Maryja nie mahła vyjści biez papiaredžvańnia, bo nie chacieła prablem. Tym nie mienš, jana atrymała rapart, byccam syšła samavolna.

Čytajcie taksama:

«U kałonii napisała zaviaščańnie, dumała, što nie vytrymaju». Palitźniavolenaja źjechała ŭ Varšavu i adkryvaje škołu tancaŭ

«Moj tata nie vytrymaŭ by Akreścina». Volha Takarčuk raskazała pra aryšt u 2021-m, Vaładarku, kałoniju, paŭtornaje zatrymańnie i vymušanyja ŭcioki ź siamjoj u 2024-m

«Ty što, leśbijanka?» Byłyja palitźniavolenyja raskazali pra dzivactvy pamočnika načalnika žanočaj kałonii

Клас
18
Панылы сорам
21
Ха-ха
7
Ого
8
Сумна
32
Абуральна
232

Chočaš padzialicca važnaj infarmacyjaj ananimna i kanfidencyjna?