Uładzimir Nikicin. Fota ź jahonaha fejsbuka
Uładzimiru Nikicinu 46 hadoŭ. Jon minčuk, u 2000-m skončyŭ Biełaruski dziaržaŭny ekanamičny ŭniviersitet pa śpiecyjalnaści «Kiravańnie prodažami». A ŭ 2009-m hodzie Uładzimir pastupiŭ u Rasijskuju akademiju narodnaj haspadarki i dziaržaŭnaj słužby pry Prezidencie Rasii na mahistraturu ŭ halinie finansaŭ, jakuju skončyŭ u mai 2011-ha.
Karjeru finansavaha analityka mužčyna pačaŭ u kampanii VDS u 2004-m. Uładzimir taksama vioŭ treninhi i adukacyjnyja kursy pa kiravańni finansami dla kampanijaŭ. Apošniaje viadomaje miesca pracy mužčyny — finansavy kantralor u Belkanton Group, bujnoj kampanii-dystrybjutary kancylarskich tavaraŭ, jakaja, siarod inšaha, vałodaje sietkaj kramaŭ Afiston i časopisam Office Life.
Miarkujučy pa jahonym Linkedin, nie paźniej za lipień 2023-ha Uładzimir zvolniŭsia i pierajechaŭ žyć u Polšču. Imavierna, jaho zatrymali pa viartańni ŭ Biełaruś.
Dziejnaść IP Uładzimira prypynienaja z 5 listapada 2023-ha hoda.
Data zatrymańnia mužčyny nieviadomaja. Sud nad Uładzimiram pačniecca 29 krasavika ŭ Minskim haradskim sudzie. Za «zakliki da sankcyjaŭ» mužčynie pahražaje ad čatyroch da dvanaccaci hadoŭ kałonii. Sutnaść abvinavačańnia nieviadomaja.
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Čytajcie taksama:
Baranavickamu ipešniku pahražaje da 12 hadoŭ turmy za «zakliki da sankcyjaŭ»
Kaho sadziać za danaty, a kamu dazvalajuć adkupicca. Voś jakaja łohika
67-hadovaja biełaruska viarnułasia sa Šviecyi. Ciapier joj pahražaje da dziesiaci hadoŭ turmy
