Mierapryjemstva musiła pačacca kala 13.00. Na vulicy Surhanava sabralisia žurnalisty, niepadalok dziažuryli DAI i «ludzi ŭ čornym» z racyjami. Žurnalisty ciarpliva čakali: usim było skazana, što heta tolki miesca zboru dla ŚMI, dzie projdzie sam hiej-prajd nam paviedamiać dadatkova.

Dadatkovaj infarmacyi kala 50 žurnalistaŭ čakali 1.5 hadziny. Uryŭkami z telefonnych razmovaŭ arhanizatary hiej-prajdu paviedamlali, što ŭ ich prablemy, była sutyčka z kontr-manifiestantami i zapłanavany maršrut hiej-prajdu ŭžo ačepleny, paŭsiul stajać aŭtazaki. Žurnalisty, jakija pryjšli na mierapryjemstva, pieršapačatkova byli daloka nie hamafobna nastrojenyja. Adnak praz 1.5 hadziny čakańnia pačynała narastać niepryjaź i žarty vychodzili daloka za miežy ciarpimaści da seks-mienšynstvaŭ. Adnak mnohija ŭsio ž taki dačakali padziei — «narešcie, słavianski hiej-prajd 2010!».

Udzielniki šeścia nieśli 15-mietrovy ściah i vykrykvali «hamafobija — heta chvaroba».

Udzielniki šeścia nieśli 15-mietrovy ściah i vykrykvali «hamafobija — heta chvaroba».

U šeści udzielniała kala 30 pradstaŭnikoŭ ŁHBT-supolnaści.

U šeści udzielniała kala 30 pradstaŭnikoŭ ŁHBT-supolnaści.

«My patrabujem dazvolić adnapołyja braki!» — vykrykvali ŭdzielniki hiej-prajdu.

«My patrabujem dazvolić adnapołyja braki!» — vykrykvali ŭdzielniki hiej-prajdu.

Chłopcy i dziaŭčaty mocna chvalavalisia i aziralisia pa bakach.

Chłopcy i dziaŭčaty mocna chvalavalisia i aziralisia pa bakach.

Vyskačyli milicyjanty i vyrvali z ruk u demanstrantaŭ ściah.

Vyskačyli milicyjanty i vyrvali z ruk u demanstrantaŭ ściah.

Pačalisia kryki, mituśnia.

Pačalisia kryki, mituśnia.

Padjechała jašče mašyna, i pačali zatrymlivać.

Padjechała jašče mašyna, i pačali zatrymlivać.

Žurnalisty staralisia patrapić da demanstrantaŭ chutčej za śpiecnaz.

Žurnalisty staralisia patrapić da demanstrantaŭ chutčej za śpiecnaz.

Milicyja vyryvała z natoŭpu tych, chto dastavaŭ ściahi.

Milicyja vyryvała z natoŭpu tych, chto dastavaŭ ściahi.

Hiej-aktyvisty hanaracca svaim učynkam.

Hiej-aktyvisty hanaracca svaim učynkam.

Žurnalist ahienctva BiełaPAN Vasil Siamaška pryjšoŭ na hiej-parad ź jajkami.

Žurnalist ahienctva BiełaPAN Vasil Siamaška pryjšoŭ na hiej-parad ź jajkami.

A pałovie na treciuju mima niekalki razoŭ prajechaŭ bajkier ź viasiołkavym ściaham. Pakul supracoŭniki DAI zaŭvažna napružylisia i pačali pieramaŭlacca pa racyjach u pošukach «niestandartnaha» vidu transpartu. Žurnalistam u hety čas paviedamili, što praz chvilin 15 manifiestanty sami pryjduć na vulicu Surhanava.

Kali narešcie na dalahladzie staŭ bačny viasiołkavy ściah, žurnalisty pabiehli na sustreču hiejam, leśbijankam i transseksuałam. U dadzienym vypadku heta było nie prosta daŭhačakanaja padzieja, ale i sproba patrapić da demanstrantaŭ chutčej za śpiecnaz ci milicyju.

Udzielniki šeścia nieśli 15-mietrovy ściah i vykrykvali «hamafobija — heta chvaroba». U šeści udzielniała kala 30 pradstaŭnikoŭ ŁHBT-supolnaści. Jany padyšli da ŭvachoda ŭ Instytut mastactvaznaŭstva i razharnuli płakaty.

«My patrabujem dazvolić adnapołyja braki! — vykrykvali ŭdzielniki hiej-prajdu, — My patrabujem abarony ad hamafobii i žorstkaści, ź jakoj sutykajemsia u našaj krainie!»

Chłopcy i dziaŭčaty mocna chvalavalisia i aziralisia pa bakach. Litaralna praz 5 chvilin padjechała mašyna, vyskačyli niekalki supracoŭnikaŭ milicyi i vyrvali z ruk u demanstrantaŭ ściah. Pačalisia kryki, mituśnia, paśla padjechała jašče adna mašyna, i pačali zatrymlivać. Treba zaŭvažyć, što žurnalistaŭ nie kranali, milicyja prafiesijna vyryvała z natoŭpu maładych ludziej nietradycyjnaj aryjentacyi, u pieršuju čarhu tych, chto sprabavaŭ davać intervju na kamiery ci dastavać viasiołkavyja ściahi.

Padčas usiaho 15-chvilinnaha mierapryjemstva źjaviŭsia adzin kontr-manifiestant. Pieršapačatkova nichto mocna nie źviartaŭ uvahi na žurnalista BiełaPAN Vasila Siamašku. Paśla niekalkich niecenzurnych vykrykaŭ ź jaho boku, usie kamiery paviarnulisia da kalehi, jaki stajaŭ ź dziesiatkam jajek i źbiraŭsia ich kinuć ŭ viasiołkavy ściah. Akazałasia, u jaho siońnia vychodny i jon na miescy padziejaŭ nie jak žurnalist, a vyjšaŭ vykazać svaju hramadzianskuju pazicyju suprać demanstracyi «nienarmalnych» aryjentacyj.

Praź piatnaccać chvilinaŭ na vulicy Surhanava zastalisia znoŭku tolki žurnalisty. Udzielniki «Słavianskaha hiej-prajdu- 2010» zatrymany i razahnanyja. 7 čałaviek advieźli ŭ RUUS Pieršamajskaha rajona, jašče 4 čałavieka ŭ Saviecki RUUS horada Minska. U 19.00 stała viadoma, što što 8 zatrymanych ŁHBT-aktyvista advieźli na Akreścina, siarod ich 2 hramadzianina Rasijskaj fiederacyi. Astatnich zatrymanych adpuścili.

Nahadajem, Mienharvykankam admoviŭ arhanizataram šeścia «Słavianski hiej-prajd 2010» u šeści pa vulicach Miensku, udzielniki jakoha planavali sabracca kala budynka Biełdziaržfiłarmonii i prajści pa praśpiekcie Niezaležnaści da budynka prezydyuma Nacyjanalnaj akademii navuk.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?