Pres‑słužba prezidenta Biełarusi asprečvaje infarmacyju pra siońniašniuju sustreču Alaksandra Łukašenki ź Viktaram Janukovičam.

Infarmacyju ab tym, što 28 maja ŭ Baturynie (Čarnihaŭskaja vobłaść Ukrainy) nibyta adbyłasia sustreča prezidentaŭ Biełarusi i Ukrainy, raspaŭsiudziła siońnia ahienctva RBK sa spasyłkaj na krynicu ŭ administracyi Janukoviča. Paviedamlałasia, u pryvatnaści, što na sustrečy budzie abmiarkoŭvacca ŭ tym liku pytańnie ab demarkacyi biełaruska‑ŭkrainskaj miažy.

«Infarmacyja RBK, miakka kažučy, nie adpaviadaje rečaisnaści», — zajaviŭ kiraŭnik pres‑słužby prezidenta Biełarusi Pavieł Lohki. «Prezident znachodzicca ŭ Minsku, u svajoj rezidencyi, pracuje», — dadaŭ jon.

Nahadajem, infarmacyja pra mahčymuju sustreču Łukašenki i Janukoviča źjaviłasia jašče napiaredadni, 27 maja, adnak i ŭ Minsku, i ŭ Kijevie jaje asprečyli.

29 krasavika prezident Ukrainy naviedaŭ Minsk z aficyjnym vizitam. Paśla hetaha Łukašenka i Janukovič sustrakalisia 8 maja na niefarmalnym samicie SND pad Maskvoj.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?