Niamieckaja kampanija Enertrag pabuduje vietrapark mahutnaściu da 160 miehavat u Dziaržynskim rajonie Minskaj vobłaści. Adpaviedny dahavor padpisali 1 lipienia staršynia Minskaha abłvykankama Barys Batura i člen praŭleńnia niamieckaj kampanii Enertrag Viernier Dyvald. Inviestycyi ŭ prajekt składuć bolš jak 350 młn. jeŭra.

Kampanija Enertrag źjaŭlajecca suśvietna viadomym vytvorcam elektraenierhii z dapamohaj adnaŭlanych krynicaŭ. Pa ŭsim śviecie pracujuć bolš jak 400 ustanovak hetaj kampanii.

Jak śćviardžajuć u abłvykankamie, mahutnaści budučaha vietraparku chopić, kab poŭnaściu zabiaśpiečyć enierhijaj Dziaržynski, Staŭbcoŭski i Uździenski rajony.

Płanujecca, što budaŭnictva vietraparku pačniecca ŭ 2010 hodzie, na 2012‑ty namiečana zdača abjekta.

Jak zaznačyŭ na sustrečy z hiermanskimi partniorami Batura, pierad vobłaściu staić zadača atrymlivać chacia b 25% enierhii pry dapamozie miascovych i alternatyŭnych krynicaŭ enierhii.

«Siońnia my kažam ab nadzvyčajnaj važnaści hetaha prajekta, — skazaŭ kiraŭnik abłvykankama. — Na hety momant naša vobłaść atrymlivaje 17% enierhii z dapamohaj miascovych vidaŭ paliva i šlacham nietradycyjnych krynicaŭ». Čakajecca, što ź dziejańniem vietraparku hety pakazčyk pavialičycca na 3%.

U svaju čarhu Viernier Dyvald zaznačyŭ, što «prablemy enierhietyki i źmianieńnia klimatu ŭzrastajuć pa ŭsim śviecie». «Hiermanija ŭ pryvatnaści i Jeŭropa ŭ cełym apošnim časam stali intensiŭna ŭstanaŭlivać vietraki: za 20 hadoŭ byli pabudavany ŭstanoŭki ahulnaj mahutnaściu 100 tysiač miehavat, i tolki zaraz my stali zadumvacca ab dziełavoj kancepcyi vietraenierhietyki», — paviedamiŭ pradstaŭnik kiraŭnictva kampanii.

Supracoŭnik pasolstva Hiermanii ŭ Biełarusi Pieter Detmar zajaviŭ, što ad prajekta vyjhrajuć abodva baki. «Biełarusi hety prajekt vyhadny tym, što budučy vietraenierhietyčny park stanie pieršym takim prajektam. Heta važny krok u dyviersifikacyi enierhazabieśpiačeńnia krainy. Dla Hiermanii i kampanii Enertrag heta mahčymaść uvajści ŭ vielmi važny i bujny rynak», — patłumačyŭ Detmar.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?