Vośmy respublikanski turystyčny konkurs «Paznaj Biełaruś» startavaŭ 1 lipienia naminacyjaj «Ja paznaju Biełaruś».

Konkurs «Paznaj Biełaruś» pravodzicca štohod z 2002 hoda. Jaho arhanizatarami vystupajuć Ministerstva sportu i turyzmu Biełarusi, RUP «Nacyjanalnaje ahienctva pa turyźmie», redakcyja haziety «Turizm i otdych».

Meta konkursu — sadziejničać raźvićciu ŭnutranaha i ŭjaznoha turyzmu ŭ Biełarusi, kansalidavać namahańni dziaržaŭnych orhanaŭ, arhanizacyj i ŭsich, chto pracuje ŭ śfiery ajčynnaha turbiźniesu, a taksama zaachvocić dasiahnieńni pa raźvićci turystyčnaj industryi.

Jak paviedamiŭ načalnik adździeła markietynhu i vydavieckaj dziejnaści Nacyjanalnaha ahienctva pa turyźmie Valeryj Bołdyraŭ, sioleta pryniata rašeńnie zahadzia abjavić pra adzinuju naminacyju dla fizičnych asob «Ja paznaju Biełaruś». Pieramoha ŭ hetaj naminacyi prysudžajecca tamu, chto naviedaje najbolšuju kolkaść turabjektaŭ ź pieraliku, što raźmieščany na sajcie Nacyjanalnaha ahienctva pa turyźmie.

Na siońnia pieralik naličvaje 555 abjektaŭ, i naviedać ich za dva miesiacy «nierealna», adznačyŭ Bołdyraŭ. U jakaści paćviardžeńnia naviedvańnia turystyčnych abjektaŭ prymajucca fatahrafii na ich fonie, datavanyja nie raniej čym 1 studzienia 2010 hoda. Fatahrafii prymajucca pa 4 kastryčnika ŭklučna. Sioleta ŭ konkursie płanujecca praduhledzieć da 10 naminacyj, niekatoryja ź ich buduć abnoŭlenyja ŭ paraŭnańni ź minułym hodam. Pryjom zajavak pačniecca ŭ žniŭni, a ŭračystaja cyrymonija ŭznaharodžańnia pieramožcaŭ projdzie ŭ 20‑ch čysłach kastryčnika ŭ ramkach vystavy «Turbiźnies‑2009». Łaŭreaty konkursu stanuć uładalnikami pamiatnych znakaŭ i dypłomaŭ.

Jak paviedamiŭ Bołdyraŭ, na praciahu siami hadoŭ u konkursie ŭziali ŭdzieł bolš jak 500 pradstaŭnikoŭ turystyčnaj haliny Biełarusi: turkampanii, hateli, pieravozčyki, sielskija siadziby, turabjekty, ŚMI, sanatorna‑kurortnyja arhanizacyi, a taksama pryvatnyja asoby.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?