U filmie «Chrosny Baćka» nie zaŭvažyli niekalkich pryncypovych momantaŭ. Piša Uładzimir Padhoł.

Tyja, chto ŭvažliva hladzieŭ film, adznačyli karotkija kadry, dzie pakazvali byłoha staršyniu KDB Mackieviča i byłoha hienprakurora Bažełku.

Kali vobraz Łukašenki ŭ filmie nasyčany admoŭnymi jakaściami, to Mackievič i Bažełka majuć stanoŭčuju charaktarystyku. Jany stali na šlachu złačyncaŭ, i Łukašenka ich adpraviŭ u adstaŭku. Adzinyja, chto pasprabavaŭ pakarać złačyncaŭ, — heta Mackievič i Bažełka. Kali zychodzić z našaj situacyi, niechta taki, jak jany, i jość patencyjnym čałaviekam, na jakoha Maskva moža zrabić staŭku ci na vybarach, ci paśla, kali paŭtorycca kirhizski varyjant. Mnie mohuć zapiarečyć: u filmie pakazali Labiedźku, Statkieviča, Jarašuka, Kazulina. Tak. Ale ich pakazali ci achviarami (Statkievič, Kazulin), ci ekśpiertami (Labiedźka, Jarašuk).

Druhaja tema i, badaj, hałoŭnaja — pašyreńnie dyjapazonu srodkaŭ psichałahična-infarmacyjnaj vajny miž uładalnikami Kramla i ŭładarom Biełarusi.

Hałoŭnaje abvinavačańnie na adras Łukašenki ŭ filmie — datyčnaść da arhanizacyi zabojstvaŭ apanientaŭ. I voś praciah temy žyćcia i śmierci ŭ ŚMI.
«Komsomolskaja pravda» piša, što «film žorstki. Łukašenka ŭ im pakazany chitrym i navat žorstkim čałaviekam, jaki fizična raspraŭlajecca sa svaimi apanientami. Paśla takich scenaŭ albo iduć stralacca pad ściaham, albo zharajuć ad soramu».

Temu praciahvaje akademik Rubinaŭ u «Sovietskoj Biełoruśsii», u abarončym artykule.

«Pucina ŭ kresła prezidenta „za ručku“ pryvioŭ Jelcyn. Miadźviedzieva taksama za ručku pryvioŭ Pucin. Nichto ź ich… nie zavajavaŭ svoj aŭtarytet u adkrytaj palityčnaj baraćbie z kankurentami…
Kali Pucin pryjšoŭ da ŭłady, Łukašenka, jaki mieŭ ahromnisty aŭtarytet i papularnaść u rasijskim asiarodździ, ujaŭlaŭ dla jaho peŭnuju niebiaśpieku. …Spravy ŭ Biełarusi chutkimi tempami iduć uharu. … Čaho dobraha, i rasijski narod zachoča pajści pa takim šlachu. A tady — byvaj, ułada… Hetaha nielha dapuścić ni ŭ jakim razie. Bo heta pytańnie žyćcia i śmierci dla ŭłady i tych, chto maje hrošy». Niedvuchsensoŭna Rubinaŭ piša pra śmiarotnuju niebiaśpieku, jakuju niasie palityčnaja karjera Łukašenki dla ŭładaroŭ Kramla.
A ŭ takich vypadkach byvaje nastupnaje: ci jany — jaho, ci jon — ich.

Nahadaju pra los hienierała Lebiedzia. Prezidenckaja kampanija zrabiła jaho ŭlubioncam miljonaŭ. Viertalot ź Lebiedziem, jaki paśla vybaraŭ uźlacieŭ u kresła hubiernatara dalokaha ad Maskvy kraja, niečakana braznuŭsia ab ziamlu, i siońnia pamiać pra jaho raściarušyłasia.

Na maju dumku, film NTV i reakcyja na jaho śviedčać, što siońnia taja ziamnaja pierśpiektyva dla haspadara Biełarusi pavialičyłasia na 100 adsotkaŭ. Heta novaja płatforma Kramla ŭ dačynieńni da Łukašenki.

Клас
0
Панылы сорам
0
Ха-ха
0
Ого
0
Сумна
0
Абуральна
0