Byłyja ŭładańni siamji polskaha prezidenta Branisłava Kamaroŭskaha ŭ Kavališkach (Litva) trapili ŭ śpis turystyčnych maršrutaŭ palakaŭ, piša «Lietuvos Žinios.

Hazieta adznačaje, što zacikaŭlenaść polskich turystaŭ bolš za ŭsio ciešyć žycharoŭ paŭtaratysiačnaha miastečka. Jany raźličvajuć na adradžeńnie miastečka, raźmieščanaha na ŭskrainie krainy, kala miažy z Łatvijaj.

Prodki Kamaroŭskaha žyli ŭ Kavališkach 300 hadoŭ. U majontku 2200 ha ziamli, asabniak, pabudavany kala 1700 h. i pierabudavany ŭ styli kłasicyzmu ŭ kancy XVIII st. Siadziba maje 27 pakojaŭ, 2 sałony, biljardny pakoj, biblijateku i vialiki stałovy pakoj. Na pieršym paviersie byli pakoi dla haściej. U majontku była kandytarskaja fabryka. Paśla 1944 u im raźmiaščaŭsia narodny sud. U 1982 budynak byŭ źniesieny, a na jaho miescy pabudavali škołu.

Jak paviedamlaje «Lietuvos žinios», da siońnia zachavalisia budynak fabryki, park i sažałka. Na ŭparadkavańnie pazastałaha majontku sa strukturnych fondaŭ ES było vydatkavana 835 000 litaŭ (prykładna $300 tys.). Na hetyja srodki na praciahu hodu budzie budavacca park, adbudziecca ramont doma kultury, arhanizujucca prahułki i aŭtobusny prypynak.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?