Adzin čałaviek zahinuŭ i jak najmieniej vosiem było paraniena ŭ vyniku vybuchu samarobnaj bomby, zakładzienaj u carkvie ŭ Zaparožžy.

Carkva, u jakoj zdaryŭsia vybuch naležyć Ukrainskaj pravasłaŭnaj carkvie, što adnosicca da Maskoŭskaha patryjarchatu i maje napružanyja stasunki z aŭtakiefalnaj ukrainskaj carkvoj.

Terakt adbyŭsia ŭ apošni dzień vizytu patryjarcha Maskoŭskaha i ŭsiaje Rusi Kiryła va Ŭkrainu.

Skrutak z samarobnym vybuchovym prystasavańniem byŭ zakładzieny na ŭvachodzie Śviata-Pakroŭskaha katedralnaha saboru, što znachodzicca na terytoryi haradzkoha rynku.

80-hadovaja manaška, jakaja najbolš paciarpieła ad vybuchu, pamierła ŭ špitali na aperacyjnym stale.

Jašče 8 čałaviek atrymali adnosna lohkija traŭmy; častka ź ich admoviłasia ad špitalizacyi abo, atrymaŭšy pieršuju dapamohu, pajšła dadomu.

Vybuch adbyŭsia padčas viečarovaha nabaženstva. Razbureńniaŭ budynku carkvy niama, u joj vybityja šyby. Pradstaŭniki UPC (MP) kažuć, što paškodžanaja ściana i častka ikanastasu.

Śledztva svaich versijaŭ pakul nie ahučvaje.

Ačolnik Zaparoskaj abłasnoj administracyi Barys Piatroŭ adznačyŭ, što samarobnaja bomba nie była «abałonkavaj». Vybuch takoha prystasavańnia nie stvaraje askołkaŭ. «Možna dapuścić što ŭ tych, chto heta zrabiŭ mety zabić ludziej — nie było», — miarkuje Piatroŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?