Staŭ viadomy kančatkovy śpis krain — udzielnic vośmaha mižnarodnaha dziciačaha konkursu pieśni «Jeŭrabačańnie-2010», jaki projdzie 20 listapada ŭ Minsku.

Pavodle źviestak pres-słužby Biełteleradyjokampanii, jakaja źjaŭlajecca arhanizataram konkursu, u im voźmuć udzieł junyja talenty va ŭzroście ad 10 da 15 hadoŭ z 14 krain: Armienii, Biełarusi, Bielhii, Hruzii, Łatvii, Litvy, Makiedonii, Malty, Małdovy, Niderłandaŭ, Rasii, Sierbii, Šviecyi i Ukrainy. Łatvija i Małdova stanuć udzielnikami dziciačaha «Jeŭrabačańnia» ŭpieršyniu, a Litva i Šviecyja adnoviać udzieł u konkursie paśla praciahłaha pierapynku, adznačajuć u Biełteleradyjokampanii.

U paraŭnańni ź minułym hodam śpis udzielnikaŭ pavialičyŭsia: u siomym konkursie dziciačaha «Jeŭrabačańnia» ŭ Kijevie ŭdzielničali 13 krain.

Vykanaŭcy, jakija buduć pradstaŭlać svaje krainy na konkursie, vyznačacca padčas nacyjanalnych adboraŭ.

Jak adznačyŭ 23 červienia na pres-kanfierencyi ŭ Minsku vykanaŭčy dyrektar piesiennych konkursaŭ «Jeŭrabačańnie» Svante Staksielius, suśvietny finansavy kryzis paŭpłyvaŭ na rašeńnie krain udzielničać u konkursie. «Ciapier u Jeŭropie vielmi ciažkija časy. Finansavaja situacyja ŭpłyvaje na jeŭrapiejskija viaščalnyja kampanii — mnohija ź ich žadajuć udzielničać, ale adčuvajuć niekatoryja materyjalnyja ciažkaści. Škada budzie, kali mnohija krainy admoviacca ad udziełu. Chacia, ź inšaha boku, ja razumieju, što im davodzicca vybirać: abo finansavać viaščańnie konkursu i padrazać biudžet na prahramy navin, abo pakinuć biudžet tak, jak jość», — skazaŭ Staksielius.

Jon vysoka acaniŭ uzrovień padrychtoŭki biełaruskich arhanizataraŭ, adznačyŭšy, što ŭ Minsku «rychtujuć vydatnaje šou dla miljonaŭ siemjaŭ pa ŭsioj Jeŭropie».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?