Mižnarodny valutny fond uchvaliŭ vydzialeńnie Ukrainie kredytu ŭ 15 miljardaŭ dalaraŭ dla skaračeńnia deficytu biudžetu. Adkazam Ukrainy pavinna stać praviadzieńnie balučych ekanamičnych reformaŭ.

Zhodna z rašeńniem Vykanaŭčaha kamiteta MVF, 18 młrd. Kijeŭ atrymaje ŭ bližejšy čas, a astatnija srodki buduć vyłučacca štokvartalnymi tranšami na praciahu dvuch z pałovaj hadoŭ u zaležnaści ad acenak dziejnaści ŭkrainskaha urada.

Kredyt bolš čym u siem razoŭ pieravyšaje kvotu Ukrainy, raźličanuju na asnovie uznosaŭ krainy ŭ biudžet MVF. Na takija kredyty fond zhadžajecca davoli redka.

U kancy 2008 hoda MVF užo vyłučaŭ Ukrainie kredyt u $16 młrd., ale zatym zamaroziŭ hetuju prahramu praz toje, što napiaredadni prezidenckich vybaraŭ u krainie byli pryniatyja zakony ab pavyšeńni piensij i minimalnaha pamieru apłaty pracy, što supiarečyła ŭmovam pahadnieńnia z fondam.

Abrany prezidentam u lutym hetaha hoda Viktar Janukovič imkniecca da adnaŭleńnia adnosinaŭ z MVF, a damoŭlenaść ab novym kredycie śviedčyć ab pośpiechu jaho palityki, a taksama ab tym, što fond zadavoleny ŭnutrypalityčnaj stabilizacyjaj na Ukrainie.

Razam z tym, umovy arymańnia kredytu praduhledžvajuć ceły šerah balučych ekanamičnych mier, u tym liku skaračeńnie deficytu biudžetu da 3,5% VUP u 2011 hodzie i da 2,5% — u 2012 (dla paraŭnańnia — rasijski ŭrad spadziajecca źmienšyć svoj biudžetny deficyt u 2011 hodzie da 4% VUP).

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?