U Łunincy pry praviadzieńni budaŭničych rabot znojdziena avijacyjnaja bomba časoŭ Druhoj suśvietnaj vajny.
Jak paviedamiŭ načalnik słužby bajavoha zabieśpiačeńnia vajskovaj čaści № 7404 Dzianis Navachacki, 28 lipienia kala 11.00 na bojeprypas kaŭšom ekskavatara natknuŭsia rabočy, jaki kapaŭ tranšeju dla prakładki kamunikacyj. Raboty byli prypynienyja.
Pavodle infarmacyi pres-sakratara Bresckaha abłasnoha ŭpraŭleńnia MNS Siarhieja Mašnova, da prybyćcia sapioraŭ rabotniki Łuninieckaha rajonnaha adździeła pa NS sumiesna ź milicyjaj evakujavali ź niebiaśpiečnaj zony 223 čałavieki: 50 — z centralnaha univiersama, 40 — ź mini-rynku i 133 — z čatyroch bližejšych žyłych damoŭ.
Prybyŭšyja na miesca sapiory dastali ź ziamli avijabombu typu "FAB-50" z uzryvalnikam, jakaja lažała na hłybini kala paŭtara mietra. Hrupa raźminiravańnia vyviezła bojeprypas u biaśpiečnaje miesca i źniščyła jaho. Avijabomba apynułasia bajavoj.
Z pačatku 2010 hoda heta ŭžo treciaja avijabomba časoŭ Druhoj suśvietnaj vajny, abiasškodžanaja sapiorami vajskovaj čaści № 7404.
