30 lipienia minskaja Dziaržaŭtainśpiekcyja praviadzie adziny dzień biaśpieki darožnaha ruchu pa prafiłaktycy DTZ z-za pieravyšeńnia chutkasnych režymaŭ. Jak paviedamlaje ŭpraŭleńnie DAI Minharvykankama, akcyja projdzie pad devizam "Źnižaj chutkaść — ciabie čakajuć doma".
Pavodle źviestak UDAI, za šeść miesiacaŭ hetaha hoda ŭ stalicy adbyłosia 441 DTZ z paciarpiełymi, 22 čałavieki zahinuli, bolš za 500 atrymali ranieńni. U 77 vypadkach pryčynaj darožna-transpartnych zdareńniaŭ stała pieravyšeńnie chutkasnaha režymu ruchu — u takich DTZ zahinuli 10 čałaviek, bolš za 100 byli traŭmavanyja.
Dziaržaŭtainśpiekcyja ŭ čarhovy raz zaklikaje kiroŭcaŭ nie parušać chutkasnyja režymy ruchu, być vielmi ŭvažlivymi, uzajemna vietlivymi i kulturnymi. DAI nahadvaje, što ŭ adpaviednaści z artykułam 18.13 Kodeksa ab administracyjnych pravaparušeńniach paŭtornaje pieravyšeńnie ŭstanoŭlenaj chutkaści ruchu (zvyš za 20 km/hadz) na praciahu adnaho hoda ciahnie nakładańnie štrafu ŭ pamiery ad 4 da 15 bazavych vieličyń
abo pazbaŭleńnie prava kiravańnia transpartnym srodkam da adnaho hoda.
