Virtualnaja eksursija pa teatry ŭzoru 2012 h.
 Teatr paśla rekanstrukcyi. Prajektny malunak |
Litaralna hetymi dniami budynak Kupałaŭskaha teatra apuścieje. Lehiendarny budynak u samieńkim centry stalicy pakinuć aktory, ź jaho kamoraŭ źviazuć dekaracyi i kaściumy. Pryčyna hetaha — rekanstrukcyja, što pačniecca ŭžo ŭ vieraśni 2010, praciahniecca 2 hady i zavieršycca pry kancy 2012. Rekanstrukcyja — a jana pieršaja z 1957 — budzie ŭklučać pierarobku jak vonkavaha vyhladu teatra, tak i jaho interjeraŭ. Aŭtary prajektu restaŭracyi Kupałaŭskaha teatra, z adnaho boku, majuć adnavić nakolki mahčyma pieršapačatkovy vyhlad teatra, a ź inšaha — pryŭnieści najnoŭšyja napracoŭki ŭ techničnuju «padšyŭku» budynka.
Pry dapamozie kamputarnaj hrafiki zaprašajem vas zazirnuć usiaredzinu Kupałaŭskaha teatra ŭzoru 2012, zrabić ahledziny budučych interjeraŭ:
I naastatak. Hetak budzie vyhladać firmovy styl, abo novy łahatyp Kupałaŭskaha teatra:
Budučy łahatyp
Ciapierašni łahatyp
Jon źjavicca na kvitkach, zaprašalnikach, afiškach. Jak my bačym, z novaha łahatypu źniknie abličča Janki Kupały. Mastacki kiraŭnik teatra Mikałaj Pinihin kaža, što adsutnaść paeta zusim nie aznačaje, što teatr pierastaje być Kupałaŭskim, prosta tut važna padkreślić, što «ŭ nas akademičny dziaržaŭny teatr i što teatr maje svoj budynak».
Animacyjny rolik byŭ łaskava prezientavany dyrekcyjaj Kupałaŭskaha teatru.
