Čym moža paviarnucca vizit dźviuch pryvabnych dziaŭčat u kvateru nie mienš pryvabnaha chałaściaka? Nie śpiašajeciesia rabić paśpiešlivyja vysnovy.
Tamu što dziaŭčaty hetyja — fatohraf «Našaj Nivy» Julija Daraškievič i karespandentka «Salidarnaści» Nastaśsia Zielankova. Pryvabny ž chałaściak — nie chto inšy, jak pretendent na prezidencki post Jarasłaŭ Ramančuk. Jon i staŭ pieršaj achviaraj našaha supolnaha prajekta «U haściach u kandydata».

Kavu haspadar nie palenavaŭsia zvaryć ułasnaručna.

Kavu haspadar nie palenavaŭsia zvaryć ułasnaručna.

Navat nie vierycca, što heta ladoŭnia chałaściaka.

Navat nie vierycca, što heta ladoŭnia chałaściaka.

Fatohrafija - adno sa šmatlikich zachapleńniaŭ Jarasłava.

Fatohrafija - adno sa šmatlikich zachapleńniaŭ Jarasłava.

Ramančuk dahetul nie ŭmieje zaviazvać halštuki.

Ramančuk dahetul nie ŭmieje zaviazvać halštuki.

Jarasłaŭ praktykuje johu.

Jarasłaŭ praktykuje johu.

Chto jašče z kandydataŭ u prezydenty tak zmoža?

Chto jašče z kandydataŭ u prezydenty tak zmoža?

Knihi pra ekzatyčny seks stajać na palicach pobač sa šmattomnikami pa ekanomicy.

Knihi pra ekzatyčny seks stajać na palicach pobač sa šmattomnikami pa ekanomicy.

Chałaściacki kamfort.

Chałaściacki kamfort.

Pra hetaha kandydata možna ŭpeŭniena skazać, što jon viadzie zdarovy i spartovy ład žyćcia.

Pra hetaha kandydata možna ŭpeŭniena skazać, što jon viadzie zdarovy i spartovy ład žyćcia.

My doŭha šukali žanočyja ślady ŭ kvatery Jarasłava. U vannaj znajšoŭsia tolki žanočy parfum.

My doŭha šukali žanočyja ślady ŭ kvatery Jarasłava. U vannaj znajšoŭsia tolki žanočy parfum.

Zatoje ŭ fotaalbomie pieravažajuć dziaŭčaty.

Zatoje ŭ fotaalbomie pieravažajuć dziaŭčaty.

Fota z univiersiteckaj doški honaru.

Fota z univiersiteckaj doški honaru.

Łondan, 89 hod. U nas jašče byŭ Saviecki Sajuz.

Łondan, 89 hod. U nas jašče byŭ Saviecki Sajuz.

Ź Irynaj Kazulinaj.

Ź Irynaj Kazulinaj.

Zajzdrosny žanich

— Budźcie aściarožnyja! — u adzin hołas nakazali nam redaktary, daviedaŭšysia pra blizki vizit.

Uspryniaŭšy skazanaje jak rekłamu, my paśpiašalisia da Ramančuka.

— Rady vas bačyć, — z paroha pryvitaŭ nas haspadar. — Prachodźcie na kuchniu, budziem pić kavu z cukierkami. Śpirtnoha nie prapanuju, bo sam nie pju.

Nichto admaŭlacca i nie dumaŭ. Tym bolš što da cukierak prykładaŭsia jašče i vafielny torcik. A kavu haspadar nie palenavaŭsia zvaryć ułasnaručna.

— Moža, jašče i posud sami myjecie? — źjedliva pacikavilisia my, nazirajučy za ŭpeŭnienymi ruchami Ramančuka.

— Viadoma. Nasamreč heta stereatyp. Što tut ciažkaha? Ja i bulbu lublu abirać. Potym zmałoŭ na mašyncy — voś tabie i draniki za piać chvilin!

My z zajzdraściu pahladzieli na padvakońnie — ŭ bok partreta simpatyčnaj dziaŭčyny (da apošniaha my ščyra vieryli, što razmovy pra niaviestu — heta tolki pijar).

— Značyć, hatavać vy lubicie?

— Nu tak. Choć, byvaje, časam i pielmieni smažu, ale heta jak danina studenckim časam.

Zvykłyja nie daviarać słovam palitykaŭ, my paprasili dazvołu prainśpiektavać ladoŭniu kandydata. Usio jak u ludziej: harodnina, sadavina, kaŭbasy, u maraziłcy miasa, a nie paŭfabrykaty, na palicach — rondli. Navat nie vierycca, što heta ladoŭnia chałaściaka.

— A što ŭ rondli? — praciahnuli my žurnalisckaje rasśledavańnie.

— Chaładnik.

Voś i papaŭsia! Nu chto pavieryć, što mužčyna budzie sam sabie chaładnik hatavać?

— Nie, nie ja varyŭ, — ščyra pryznaŭsia Jarasłaŭ.

Adnak inšych śladoŭ prysutnaści ŭ domie žančyny my nie znajšli (za vyklučeńniem fłakona tualetnaj vady na palicy ŭ vannaj). My, viadoma, asabliva i nie raźličvali ŭbačyć raskidanyja pa ŭsioj kvatery pradmiety žanočaha harderoba, ale tut usio było vidavočna: ni tabie firanačak na voknach, ni vazačak z kvietačkami, ni miłych suvieniraŭ na palicach. Usio prosta, pa-mužčynsku, ale z hustam.

Pakul varyłasia kava, my vyrašyli ŭvažliviej ahledzieć kvateru. Vyśvietliłasia, što hetuju «dvušku» ŭ rajonie Kamaroŭki Ramančuk nabyŭ jašče ŭ 1998 hodzie.

— Ja śpiecyjalna zaniaŭsia biznesam, kab kupić kvateru. Praŭda, kupiŭ tolki kali biznes kinuŭ, — śmiajecca Jarasłaŭ. — Pačakaŭ, pakul ceny apuściacca da minimumu (niezdarma ž ekanamist). Ciapier voś žyvu ŭ centry horada, i praca pobač.

Prosta jak u pokazcy: bahatyja kuplajuć sabie nie mašynu, kab jeździć na pracu, a kvateru pobač z pracaj, kab chadzić pieššu. Darečy, u Ramančuka mašyny taksama niama.

«Hniazdo raspusty»

Ahlad vyrašyli pačać sa spalni. Paśla «eratyčnaha intervju» «Narodnaj voli» hety pakoj ujaŭlaŭsia nam jak minimum hniazdom raspusty. Našy čakańni spraŭdzilisia tolki napałovu.

Z vyhladu ŭsio było całkam prystojna: ubudavanaja šafa, vialiki łožak, hara knižak na padłozie, tualetny stolik (nabyty, miarkujučy pa ŭsim, prosta ŭ kamplekcie z łožkam).

U vočy nam adrazu ž kinuŭsia prafiesijny fotaaparat ź vializnymi abjektyvami, što lažaŭ na lusterku. Voś tolki kožnaja ŭ hety momant padumała pra svajo: Jula tut ža pryznała ŭ Ramančuku kalehu pa fotaspravie, mianie ž mučyła pytańnie: čamu ŭsio heta znachodzicca ŭ spalni?

Pakul fatohraf-prafiesijanał i fatohraf-amatar razmaŭlali na svaje vuzkaśpiecyjalnyja temy, ja vyprabavała łožak. Jon akazaŭsia žorstkim i čamuści zusim nie rypieŭ, choć, pa pryznańni kandydata, staić tut z 1998 hoda.

— Niaŭžo redka karystajeciesia? — usio-taki nie strymała ja cikaŭnaści.

— Kryŭdziš, — tut ža azvaŭsia Jarasłaŭ. — Pahladzicie, na čym jon u mianie staić.

Jon padniaŭ pokryva, i my ŭbačyli pad łožkam… knihi, składzienyja stosam u jakaści padporak. Miarkujučy pa ŭsim, svoj resurs hety łožak užo vyčarpaŭ.

— Budziem praviarać? — padmirhnuŭ Ramančuk.

— Jak-niebudź inšym razam, — pasprabavali adžartavacca my.

— Łaŭlu na słovie!

— A dzie vy zachoŭvajcie svaje halštuki? — dla biaśpieki vyrašyli my źmianić temu i zaadno nienaviaźliva zazirnuć u šafu kandydata.

Ramančuk bieź cieniu sumnievu rasčyniŭ dźvierki i pačaŭ demanstravać svaju kalekcyju. Halštukaŭ ŭ jaho i praŭda akazałasia šmat. Navat imienny.

— Praŭda, zaviazvać sam nie ŭmieju. Prašu siabroŭ, — pryznaŭsia Ramančuk.

A voś knihi na padłozie kala łožka pryznačalisia dla ŭdzielnikaŭ škoły, jakuju viadzie Ramančuk na bazie Centra Mizesa.

— Časam źbirajemsia ŭ mianie doma, — raskazaŭ kandydat i pradbačliva ŭdakładniŭ: — U susiednim pakoi. Byvaje, vyjazdžajem kudy-niebudź. Niadaŭna na Narač jeździli. Pojdziem pakažu fatahrafii.

Tak my płaŭna pieramiaścilisia ŭ haścioŭniu.

Ekanamičnaja Kamasutra

Miarkujučy pa fotazdymkach, da navučańnia Ramančuk stavicca niestandartna. Ludzi ŭ kupalnikach mała nahadvali udzielnikaŭ ekanamičnaha sieminaru. Dy i prahrama zaniatkaŭ vyhladała vielmi navat pryvabna (ja tut ža paškadavała, što redaktar nadoječy admoviŭsia mianie tudy adpuskać).

— Darečy, niekalki paraŭ paśla našych zaniatkaŭ ažanilisia, — pachvaliŭsia svajoj rolaj Kupidona kandydat.

Ad kamputarnych zdymkaŭ pierajšli da fotaalbomaŭ. Voś Ramančuk z Marharet Tetčer, voś ź Siamionam Šareckim, voś pierakładaje Kiebiču, šmat fota z roznymi jeŭrapiejskimi ministrami. Ale asnoŭnaja častka alboma — dziaŭčaty, dziaŭčaty, dziaŭčaty. Na kaleniach, u abdymku, na fonie seks-šopa

— Kali ja išoŭ na parłamienckija vybary deputatam pa Hrodzienskaj akruzie ŭ 2008 hodzie, śpiecsłužby zakinuli ŭ narod dźvie kački: što ja chaču pradać Hrodna Polščy i što ja hiej, — śmiajecca Ramančuk.
 — Pryčym navat nie viedaju, što dla haradziencaŭ było horš.

My tut ža ŭjavili, jak Ramančuk dakazvaŭ haradzienkam advarotnaje, i zaśmiajalisia.

Sama ž haścioŭnia źmiaščała adnačasova i biblijateku, i pracoŭny kabiniet. Na palicach — uznaharody Ramančuka za plonnuju pracu na ekanamičnaj nivie. Na stełažach — knihi, u tym liku i ŭłasnaha aŭtarstva.

— A voś u hetych papkach ja zachoŭvaju vyrazki roznych cikavych artykułaŭ pa temie, — pakazaŭ Jarasłaŭ na vierchniuju palicu stełaža.

Adnak našu ŭvahu pryciahnuli zusim nie ekanamičnyja pracy, a ŭzhruvaščanaja na ich «Kamasutra» i jašče niejkaja eratyčnaja knižka z malunkami.

— «Kamasutru» mnie padaravali padčas pajezdki na forum u Indyju. Inšym lektaram dastalisia knižki pa ekanomicy, a mnie, jak samomu maładomu, uručyli hetuju. Vyrašyli, što patrebniejšaja. Tut, darečy, prapisanyja 40 praviłaŭ, jakija pavinna viedać žančyna. Voś zaraz ja vas i pravieru.

Da našaj vialikaj radaści, ad hetaha ekzamiena nas vyratavaŭ telefonny zvanok. Tak my ad «Kamasutry» płaŭna pierajšli da johi.

Vyśvietliłasia, što i hetym Ramančuk zajmajecca z zadavalnieńniem. Prapuścić mahčymaść pafatahrafavać kandydata ŭ roznych pozach my nie mahli.

— A možacie, jak joh, u vuzieł zaviazacca? — padbuchtorvali my.

— Mahu. Tolki dla hetaha treba bolej raźmiacca, a to potym i nie raźviažašsia, — zaśmiajaŭsia Jarasłaŭ.

My vyrašyli pabierahčy kandydata dla historyi.

Joha akazałasia nie adzinym zachapleńniem Ramančuka. Z šafy tut ža dastalisia rakietki dla vialikaha tenisa i pinh-ponha, trenažory, a dokazaŭ futbolnaj aktyŭnaści kandydata paśla prahladu jaho fota navat i nie patrabavałasia.

Jašče krychu pachadziŭšy pa kvatery, vyvučyŭšy ŭ vannaj usie sklanački (jany, darečy, u Ramančuka taksama asablivyja — zamiežnyja, navat pastu jon kuplaje upakoŭkami tolki ŭ Amierycy), my narešcie vyrašyli, što treba j mieru viedać.

— Nu, darohu da mianie ciapier viedajecie. Tak što zachodźcie ŭ luby čas, — vietliva zaprašaŭ nas kandydat.

My horača paabiacali viarnucca.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?