Inicyjatar sustrečy Statkievič byŭ u hordaj adzinocie.
Darma reparciory «Našaj Nivy» čakali: na pasiadžeńnie pa vyłučeńni adzinaha nie źjaviŭsia ni adzin kandydat. Pryjšoŭ inicyjatar sustrečy Statkievič, pakruciŭsia Labiedźka. Ale nie było Milinkieviča, Niaklajeva, Sańnikava, Rymašeŭskaha, Michaleviča — imaviernych pretendentaŭ.
Bližej da 11.00, sa spaźnieńniem na hadzinu, pryjšli Viktar Karniajenka z Ruchu za Svabodu, Valer Uchnaloŭ ad postkamunistaŭ, staršynia Partyi BNF Alaksiej Janukievič.
Udzieł u pasiedžańni ŭziali taksama adkazny sakratar Chryścijanskaj Demakratyi Dzianis Sadoŭski, pradstaŭnik Alesia Michaleviča Mikita Krasnoŭ.
Urešcie kruhły stoł prajšoŭ u zakrytym režymie. Jaho ŭdzielniki abmiežavalisia pryniaćciem Zajavy ab kaardynacyi sumiesnych dziejańniaŭ padčas prezidenckaj vybarčaj kampanii.
Pierad hetym pradstaŭničaja sustreča palitykaŭ adbyłasia ŭ Vilni.
Sproščany varyjant pahadnieńnia praduhledžvaje kaardynacyju vyłučeńnia ludziej u vybarčyja kamisii i zaklik da ludziej vychodzić na Płošču paśla vybaraŭ. Pytańnie ab vyłučeńni adzinaha kandydata nie zakranajecca.
Vyłučyć adzinaha kandydata ad demakratyčnych siłaŭ na vybarach prezidenta pierad hetym sprabavała Rada biełaruskaj intelihiencyi. Adnak u vyznačany Radaj śpis nie trapili ni Milinkievič, ni Rymašeŭski, ni Michalevič. Tamu 11 žniŭnia apazicyjnyja palityki pryniali rašeńnie admovicca ad pasrednictva Rady biełaruskaj intelihiencyi, bo paličyli, što jana straciła niejtralitet.
24 žniŭnia na siadzibie BNF maje adbycca ŭračystaje padpisańnie vypracavanaj siońnia Zajavy. Zbor kandydataŭ, adnak, nie harantavany.
