Kancern Google sprabuje dahnać Fejsbuk i ŭkaranicca ŭ sacyjalnych sietkach.
Z sacyjalnymi sietkami huhłu nie vielmi šancuje. Dva hady tamu kancern admoviŭsia ad servisa Lively, jaki mieŭ być adkazam Second Life. Niadaŭna pierastaŭ dziejničać servis Google Wave — pajadnańnie
Ale sychodzić z hetaha rynku Google nie źbirajecca.
Ciaham apošniaha miesiaca kampanija zaklučyła try pahadnieńni ź firmami, źviazanymi z sacyjalnymi sietkami, vydatkavaŭšy paŭmiljarda dalaraŭ. Charakterna, što kožnaja z hetych troch kampanij źviazanaja z hulniami, u jakich možna hulać, naprykład, na Fejsbuku, dzie bolš za paŭmiljarda karystalnikaŭ.Fejsbuk źjaŭlajecca najbujniejšym kankurentam Google.
Hetyja pahadnieńni mohuć śviedčyć pra namier Google stvaryć servis, što zdoleŭ by kankuravać z Fejsbukam. U subotu kiraŭnictva kancerna abviaściła, što nabyvaje kampaniju Jambool (pavodle nieaficyjnych źviestak, za $70 młn), hałoŭnym chitom jakoj źjaŭlajecca Social Gold. Heta elektronnyja hrošy, što dazvalajuć
Za tydzień da hetaha Google zapłaciŭ kala $200 miljonaŭ za Slide, vytvorcu hulniaŭ i instrumientaŭ, jakija vykarystoŭvajucca ŭ sacyjalnych sietkach — u tym liku na Facebook i MySpace. Miesiac tamu Google kupiŭ pakiet akcyj kampanii Zynga, stvaralnika samych papularnych hulniaŭ na Fejsbuku.
Pavodle The Wall Street Journal, hulni buduć tolki adnym z elemientaŭ novaj sacyjalnaj sietki, jakuju płanuje Google. Kampanija nie kamientuje hetyja čutki. A na pytańnie žurnalistaŭ, ci budzie Google nahadvać Fejsbuk, Eryk Šmit, staršynia kancernu, adkazaŭ: «Nikomu nie patrebnyja dźvie kopii adnaho i taho ž».
