Dva tydni tamu Krukaŭski vahonabudaŭničy zavod prezientavaŭ płackartny vahon novaha typu, vyrableny śpiecyjalna dla Biełarusi.Roźnica pamiž novym i starym vahonam u najaŭnaści leśvicy ź pieršaj na druhuju palicu, napaŭzakrytaści kupe, najaŭnaści kandycyjaniera i duša ŭ adnoj z prybiralniaŭ, a taksama elektronnym tabło ź infarmacyjaj. Chutka vahon pojdzie u sieryjny vypusk, a pakul što nam daviadziecca praciahvać jeździć u «kłasičnaj płackarcie».
Plusy
Niekatoryja nazyvajuć płackart savieckim pieražytkam. Inšyja ž ličać płackartu «dobraj vynachodkaj». Samo słova płackarta ŭ pierakładzie ź niamieckaj abaznačaje «kartku, što dazvalaje zajmać pranumaravanaje miesca ŭ vahonie». U Biełaruskaj čyhuncy tak nazyvajuć tannyja spalnyja vahony.
Plus u płackarty — cana. Dla taho i vynajšli ŭ savieckija časy zvykłuju nam kanstrukcyju — kab siaredni hramadzianin bieź lišniaha kamfortu, ale zručna moh dajechać kudy jamu patrebna. Štuka płackarta ŭ tym, što miescy možna vykarystoŭvać jak spalnyja i siadziačyja adnačasova.
Inšy plus, pa słovach amataraŭ płackarty, u svabodnym prytoku pavietra. Kali vaš susied pa kupe budzie jeści kurycu, ci jašče štości z mocnym pacham, uratavacca budzie składana — maleńkaje pamiaškańnie chutka prasiakajecca pachami. U płackarcie ž usio adbyvajecca
Minusy
Zatoje čałaviek zastajecca ŭvieś čas na vidnie.
Nastupny minus datyčyć jak płackartnych, tak i kupejnych vahonaŭ: u ciahnikach savieckaha typu była nikudyšnaja sistema kandycyjanavańnia, a zasaŭki na voknach pracavali tuha. Vahony Biełaruskaj čyhunki vyhadna roźniacca ad ukrainskich i rasiejskich — dahledžanyja i akuratnyja, i dzirki ŭ dachu ŭ našych ciahnikach nie sustrakajucca. Ale z voknami situacyja dahetul nie radasnaja.
A ci treba nam płackarta?
Upieršyniu sprečka pra zapatrabavanaść płackartnaha vahona razharełasia ŭ 2003 hodzie, kali Uładzimir Jakunin, kiraŭnik Rasiejskaj čyhunki, vykazaŭ mierkavańnie, što dalej karystacca hetym pieražytkam savieckaha času niemetazhodna.
Hałoŭnaj prapanovaj Jakunina było zamianić płackartnyja vahony na kušetkavyja, jakimi karystajucca ŭ Jeŭropie. Roźniacca jany ad płackartnych tym, što zamiest čatyroch «kupejnych» połak majuć šeść, a bakavych nie majuć uvohule. Pasažyr u ich zaŭždy znachodzicca ŭ lažačym stanie. U Jeŭropie takija vahony vykarystoŭvajucca dla načnych pierajezdaŭ, i raźličana, što pasažyr u ich śpić. A kali daroha nie ŭkładajecca ŭ adnu noč, to zranku moža pierasieści ŭ ciahnik inšaha typu. Ale takaja sistema niazručnaja dla vialikich adlehłaściaŭ Jeŭrazii, tamu płackart, musić, nie źniknie.
Novyja kupejnyja vahony, što pajavilisia na biełaruskich maršrutach, rezka ŭźniali płanku kamfortnaści. Čarha za novym płackartam.
***
Parady tym, chto jedzie ŭ płackarcie
1. Imkniciesia ŭziać nižniuju palicu. Dach vahona prahravajecca vielmi chutka, a nabližanaść da kandycyjaniera nie daść vam ničoha.
2. Paprasicie ŭ kasach bilet u novy vahon. Kasirki viedajuć, jaki z vahonaŭ novy, i z zadavalnieńniem dapamahajuć.
3. Trymajcie dakumienty ŭ torbie, a torbu — u kufry pad łožkam. Toje samaje rekamiendujecca rabić z abutkam, asabliva nočču.
4. Nie zabyvajciesia, što vy majecie zakonnaje prava nie słuchać radyjo i što vy možacie patrabavać uklučyć kandycyjanier.
