U Babrujsku ŭ vyniku navalnicy 150 damoŭ zastalisia bieź śviatła

Niepahadź, što razhulałasia hetaj nočču ŭ Mahiloŭskaj vobłaści, pryviała da abryvu linii elektrapieradačy i paškodžańnia budynkaŭ u šerahu rajonaŭ Mahiloŭskaj vobłaści.

Jak paviedamili va ŭpraŭleńni MNS pa Mahiloŭskaj vobłaści, mocny viecier paškodziŭ dach na 19 abjektach u Babrujskim, Hłuskim, Kličaŭskim i Asipovickim rajonach. «U bolšaj stupieni ad navalnicy paciarpieŭ Babrujsk, — adznačyŭ pres-sakratar upraŭleńnia Juryj Miatlicki. — Prykładna 150 damoŭ byli abiastočany. Adbyŭsia abryŭ provadu, jaki znachodzicca pad napružańniem 10 kiłavolt. Zaraz praciahvajecca ramont hetaj linii elektrapieradačy».

Pavalenaje ŭrahannym vietram dreva stała pryčynaj spynieńnia ruchu pa čyhunačnaj vietcy Asipovičy — Minsk. Zaraz ruch ciahnikoŭ adnoŭleny, paviedamili ŭ MNS.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH