18.08.2010
/ 15:27 / Ałharytmičny łacinski varyjant
Zatrymali Tchara — kilera z bandy Marozava
Jon chavaŭsia pad Tułaj, u Rasii.
Prafiesijny kiler pa mianušcy Tchor, što chavaŭsia ad biełaruskaha pravasudździa, zatrymany ŭ Tulskaj vobłaści Rasii. Jaho ŭziali na adnoj z baz adpačynku ŭ Aleksinskim rajonie Tulskaj vobłaści.
Na śled ŭciekača milicyja vyjšła paśla zvyčajnaj pašpartnaj pravierki: jaho pašpart byŭ padrobny. Prabiŭšy dadzienyja pa ŭsich baz MUS Rasii i mižnarodnaha vyšuku, milicyja vyśvietliła, što mužčyna ŭžo piać hadoŭ ličycca ŭ vyšuku za asabliva ciažkija złačynstvy, ździejśnienyja na terytoryi Biełarusi.
Havorka idzie pra padziei 1990-ch, kali ŭ Biełarusi arudavała Homielskaja arhanizavanaja złačynnaja hrupoŭka. 1 śniežnia 2006 h. Viarchoŭny sud Biełarusi prysudziŭ troch najbolš aktyŭnych členaŭ bandy — Siarhieja Marozava, Valeryja Harbataha i Ihara Dančanku — da najvyšejšaj miery pakarańnia (rasstrełu). Jašče 23 bandyty atrymali ad 2 da 20 hadoŭ pazbaŭleńnia voli. Ich pryznali vinavatymi ŭ ździajśnieńni sieryi naŭmysnych zabojstvaŭ, zamachach na ździajśnieńnie naŭmysnych zabojstvaŭ, napadach ŭ składzie bandy i inšych złačynstvach. Jašče niekalkich bandytaŭ, u tym liku niepasrednaha vykanaŭcu zabojstvaŭ — kilera Tchara, abviaścili ŭ vyšuk.
Zaraz Tchor siadzić u adzinočnaj kamiery Tulskaha śledčaha izalatara, źmiaščać da jaho susiedziaŭ, jak adznačaje pres-słužba abłasnoha UUS, niebiaśpiečna z-za dziorzkich pavodzinaŭ i zapalčyvaha charaktaru. Vyrašajecca pytańnie ab jaho ekstradycyi ŭ Biełaruś.
BIEŁTA
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
