«Stomlenaha djabła» Siarhieja Kavalova hladziać u Słavakii 1

U słavackim horadzie Sienica pastavili śpiektakl pa pjesie biełaruskaha dramaturha.

Režysior Ivan Fodar i dramaturh Siarhiej Kavaloŭ.

Śpiektakl «Stomleny djabał» pastavili ŭ pierakładzie na zaharackuju havorku, dyjalekt słavackaj movy. Režysior sienickaha teatra «Záhorácké divadlo» Ivan Fodar heta tłumačyć tym, što na jaho śpiektakli pa-słavacku prychodziła mała ludziej. Zatoje poŭny anšłah na pastanoŭkach pa-zaharacku.

Zahorje — rajon Słavakii, jaki miažuje z Čechijaj. Tut skłałasia svaja samabytnaja kultura i svoj dyjalekt słavackaj movy — pierachodny da maraŭskich dyjalektaŭ češskaj. Na im razmaŭlaje kala 200 tysiač čałaviek.

«Stomleny djabał» — nie pieršy śpiektakl pa pjesie Siarhieja Kavalova, pakazany ŭ Słavakii. Dva hady tamu ŭ Košyckim lalečnym teatry biełaruski režysior Aleh Žuhžda pastaviŭ «Pilipku i viedźmu».

Ciapier u Zahorji rychtujecca da vydańnia kniha Siarhieja Kavalova, u jakuju ŭvojdzie p'sa «Stomleny djabał» na biełaruskaj, słavackaj movach i zaharackaj havorcy.

Prailustruje vydańnie słavackaja mastačka Marta Andeličkava.

Siarhiej Kavaloŭ — doktar fiłałohii, dramaturh. Naradziŭsia ŭ 1963 hodzie ŭ Mahilovie. Skončyŭ fiłfak BDU. Ciapier žyvie ŭ Lublinie, dzie vykładaje biełaruskuju litaraturu va univiersitecie imia M. Składoŭskaj-Kiury. Aŭtar šerahu krytyčnych zbornikaŭ i navukovych manahrafij. Napisaŭ zvyš 20 pjes («Stomleny djabał», «Taras na Parnasie», «Čatyry historyi Sałamiei», «Franciška, abo Navuka kachańnia»). Pjesy stavilisia ŭ Biełarusi, Ukrainie, Rasii, Polščy, Słavakii.

KM

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH