Zatrymańnie rotnaha kamandzira municypalnaj konnaj palicyi pry Vilenskim hałoŭnym kamisaryjacie Łajmanasa Bankaŭskasa ŭ Biełarusi vyklikaje padazreńnie nie tolki ŭ jaho blizkich, ale i ŭ supracoŭnikaŭ litoŭskich śpiecsłužbaŭ.Jość mierkavańnie, što KDB, padkinuŭšy ŭ jaho mašynu narkotyki, sprabavaŭ vierbavać hetaha supracoŭnika litoŭskaj palicyi.
Paviedamlajecca, što Bankaŭskas, jaki znachodziŭsia ŭ adpačynku, byŭ zatrymany 16 žniŭnia na miažy Litvy i Biełarusi, u Ašmianskim rajonie. Adnak jaho ciešča śćviardžaje, što Bankaŭskasa zatrymali jašče ŭ niadzielu.
Bankaŭskas žanaty z hramadziankaj Biełarusi. Baćki jaho žonki žyvuć u Minsku. Adnak, daviedaŭšysia pra niaščaście, ciešča pryjechała ŭ Vilniu, a jaho žonka ź siabrami — u Biełaruś.
Pa słovach cieščy Bankaŭskasa, jon ź siamjoj płanavaŭ jechać da mora. Pierad pajezdkaj vyrašyŭ kupić paliva ŭ Biełarusi. Jon prapanoŭvaŭ jechać razam i blizkim, adnak jany nie zachacieli. Kali Bankaŭskas viartaŭsia ŭ Litvu, jaho aŭtamabil praviarali nie tolki mytniki, ale i supracoŭniki śpiecsłužbaŭ.
Kali litoŭca paprasili padniać kapot, jon heta zrabiŭ. U hety momant jon znachodziŭsia na vulicy, nie bačyŭ, što adbyvajecca ŭ sałonie i ŭ bahažniku.U jaho mašynie znajšli 45,5 hramaŭ mietamfietamina. Palicejskaha zatrymali i začynili ŭ Hrodzienskim śledčym izalatary. Jamu pahražaje pazbaŭleńnie voli na termin ad 3 da 7 hadoŭ.
Litoŭskija śpiecsłužby ździviła i toje, jakija narkotyki byli znojdzienyja ŭ Bankaŭskasa, i ich kolkaść. Dla narkamana takaja kolkaść zanadta vialikaja, a dla
Kiraŭnik Mytnaj kryminalnaj słužby Saŭlus Urbanavičus skazaŭ nastupnaje:
«Nie tudy vioz. Mietamfietamin viazuć ź Litvy. Ź Biełarusi da nas viazuć hierain, hašyš, a nie mietamfietamin. Niełahična i dziŭna».
Adnak u sieradu biełaruskija słužboŭcy paviedamili, što Bankaŭskasa zatrymali, kali jon ujazdžaŭ u Biełaruś. Paśla hetaha litoŭskija palicejskija pačali vyśviatlać, kali ž
U hetuju historyju nie vieryć i načalnik Bankaŭskasa Alhimantas Minkaŭskas: «Ja ŭ heta nie vieru. Čakajem, kali jon vierniecca».
U Vilni chodziać čutki, što cieść Bankaŭskasa — były supracoŭnik KDB vysokaha ranhu abo vajskoviec — ciapier pradprymalnik. Nibyta KDB moh zacikavicca litoŭcam i praź jaho cieścia.
Adnak ciešča Bankaŭskasa admaŭlaje hetyja čutki. Pa jaje słovach, jaje muž słužyŭ u savieckaj armii, byŭ majoram, a paśla razvału SSSR syšoŭ sa słužby, pracavaŭ u kampanijach, jakija handlujuć kamputarami.
Ciešča Bankaŭskasa śćviardžaje, što ziać nastrojeny suprać narkotykaŭ i narkahandlaroŭ, tamu žančyna nie sumniajecca, što narkotyki jamu «nachabna i hruba padsunuli».
