7 vieraśnia Nacyjanalny akademičny dramatyčny teatr imia M.Horkaha (Ruski teatr) adkryje novy78-y teatralny siezon śpiektaklem «Panie Kachanku» pavodle adnajmiennaj pjesy Andreja Kurejčyka.
Premjera śpiektakla prajšła ŭ sakaviku 2010 hoda. Dziejańnie adbyvajecca ŭ XVIII stahodździ, paśla pieršaha padziełu Rečy Paspalitaj. Hałoŭnuju rolu — Stanisłava Radziviła, adnaho z samych upłyvovych i ekstravahantnych mahnataŭ Vialikaha Kniastva Litoŭskaha — vykonvaje narodny artyst SSSR Raścisłaŭ Jankoŭski.
Jak paviedamili BiełaPAN u
21 i 22 vieraśnia ŭ Ruskim teatry adbudziecca premjera psichałahičnaha trylera «Dzieva i śmierć» Aryela Dorfmana. Nad pastanoŭkaj pracavaŭ viadomy polski režysior Kšyštaf Zanusi. Roli vykonvajuć Taćciana Baŭkałava, Alaksandr Ždanovič i Valeryj Šuškievič.
Hałoŭnaja hierainia śpiektakla — damašniaja haspadynia, jakaja žyvie z mužam u paŭdniovaamierykanskaj krainie. Jana paznaje ŭ svaim susiedzie złačynca, jaki katavaŭ, źbivaŭ i hvałciŭ jaje ŭ Čyli pry fašysckim režymie Aŭhusta Pinačeta, kali jana była maładoj apazicyjanierkaj. Hierainia pamiataje pryčynienyja joj pakuty i vyrašaje adpomścić svajmu katu.
