BATE nie zmoh abyhrać aŭtsajdera, a «Šachcior» razhramiŭ minskaje «Dynama» 2

U Minsku na stadyjonie «Traktar» siońnia, 19 vieraśnia, hulali aŭtsajder čempijanata «Partyzan» i čempijon krainy, naš pradstaŭnik u Lizie Jeŭropy, barysaŭski BATE.

Padapiečnyja Viktara Hančarenki pieršymi zabili hoł. Na 21-j chvilinie vyznačyŭsia Maksim Skavyš, ale ŭtrymać pieramohu nie zdoleli. Na 57-j chvilinie Miendzi lik zraŭniaŭ — 1:1.

Cikava, što ŭ 2-m kruzie (17-ty tur) «Partyzan» taksama adabraŭ punkty (ački) u BATE, zhulaŭšy ŭ Minsku 1:1. U pieršym kruzie-kole BATE ŭ Barysavie razhramiŭ byłych traktarystaŭ — 6:0.

U Salihorsku siońnia «Šachcior» razhramiŭ minskaje «Dynama» 3:0 (Ryas, 21, Sitko, 50, Piatroŭ, 78).

Nahadajem, što čatyry matčy prajšli ŭ subotu:

«Minsk» — «Nioman» — 2:0, «Viciebsk» — «Tarpieda — 0:1, «Biełšyna» — «Dniepr» — 1:1, «Naftan» — «Dynama» Brest — 1:0.

Stanovišča kamandaŭ: BATE — 55 (24 hulni), FK «Minsk» — 51, Šachcior — 48, Dynama Minsk — 43, Biełšyna — 37, Naftan -- 33, Dynama Brest, Dniepr — 32, Viciebsk — 22, Tarpieda Žodzina — 20, Nioman — 18, Partyzan — 15.

U sieradu, 22 vieraśnia, u Barysavie budzie zhulany prapuščany matč 20-ha tura pamiž BATE i minskim «Dynama».

AH

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH