Takoje rašeńnie było pryniata 19 vieraśnia na plenumie partyi, paviedamiŭ jaje lidar Siarhiej Kalakin.
Pavodle słoŭ palityka, partyja nie budzie vystaŭlać na vybarach svajho kandydata na pasadu prezidenta. «Pavodle našaha mierkavańnia, heta nie maje sensu. Heta mieła b sens u tym vypadku, kali b apazicyja na vybarach mieła adzinuju stratehiju, adzinuju taktyku i, jak vynik, adzinaha kandydata ŭ prezidenty. Zaraz ničoha hetaha niama. Bolš za toje, niama adzinaha bačańnia raźvićcia situacyi ŭ krainie ni padčas vybaraŭ, ni paśla ich. Šmatlikija pretendenty ŭ prezidenty ŭdzielničajuć u honcy pavodle pryncypu «nie dahonim, dyk sahrejemsia», tamu padtrymlivać
Tym nie mienš, paviedamiŭ lidar partyi «Spraviadlivy śviet», plenum nie zabaraniŭ členam partyi pracavać u kamandach taho ci inšaha pretendenta na pasadu kiraŭnika dziaržavy. «Jany majuć prava sami vybirać, kaho padtrymlivać, a kaho — nie. Heta ich asabisty vybar», — adznačyŭ Kalakin.
Pry hetym jon zajaviŭ, što takoje rašeńnie całkam nie aznačaje, što partyja zastaniecca ŭbaku ad vybarčaj kampanii. «My nakirujem svaje resursy na toje, kab sumiesna ź inšymi partyjami i hramadskimi arhanizacyjami mabilizavać aktyŭnych i nieabyjakavych hramadzian na toje, kab jany ŭziali aktyŭny ŭdzieł u nazirańni za vybarami. Jany pavinny sami uziać udzieł u kantroli za padlikam hałasoŭ i spynieńni sprob falsifikacyi vybaraŭ», — zajaviŭ Kalakin.
Vynikam hetaj pracy, pavodle mierkavańnia palityka, pavinna stać stvareńnie sistematyzavanaj faktałahičnaj bazy ab mahčymych falsifikacyjach padčas vybaraŭ. «Kali takija falsifikacyi buduć maštabnymi, hetaja baza pasłužyć padstavaj dla niepryznańnia vynikaŭ vybaraŭ jak na mižnarodnym uzroŭni, tak i ŭnutry krainy», — zajaviŭ Kalakin.
Pieršym krokam u miežach kampanii «Spraviadlivyja vybary», pavodle jaho słoŭ, stanie zvarot u Centravybarkam z patrabavańniem rastłumačyć šerah narmatyŭnych aktaŭ biełaruskaha zakanadaŭstva. «Metaj hetaha zvarotu źjaŭlajecca toje, kab naziralnikaŭ realna dapuścili da pracedury padliku hałasoŭ. Dla hetaha nie treba navat źmianiać zakanadaŭstva, patrebna tolki palityčnaja vola. I ŭ zaležnaści ad taho, jaki adkaz my atrymajem, heta budzie „łakmusavaj papierkaj“ taho, da čaho rychtujecca CVK: da praviadzieńnia vybaraŭ ci da maštabnych falsifikacyj», — skazaŭ Kalakin.
