U Baranavičach atrymaŭ apioki 52-hadovy mužčyna, u kvatery jakoha ŭzarvaŭsia bałon z bytavym hazam.

Jak paviedamili ŭ Bresckim abłasnym upraŭleńni MNS, vybuch hazapavietranaj sumiesi biez nastupnaha hareńnia adbyŭsia 18 vieraśnia pryblizna ŭ 18.35 na kuchni adnoj z kvater adnapaviarchovaha 20-kvaternaha cahlanaha žyłoha doma. U vyniku haspadar kvatery atrymaŭ apioki vierchnich dychalnych šlachoŭ, hałavy, kiściej ruk, pieradplečča, šyi (I—III stupieniaŭ 13% płoščy cieła) i źmieščany ŭ Baranavickuju centralnuju haradskuju balnicu.

Ad vybuchu nad hetaj kvateraj adbyłosia abrušeńnie šyfiernaha dachu, parušana cełaść vonkavaj ściany kvatery i razburana pieraharodka z uvachodnym dźviaryma.

Pryčyna vybuchu ŭstanaŭlivajecca. Pavodle papiarednich źviestak, jon adbyŭsia z-za ŭciočki hazu. Paciarpieły žyvie ŭ kvatery adzin.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?