Pretendenty na pasadu prezidenta na minułych vybarach bolš apieratyŭna padavali zajaŭki na rehistracyju svaich inicyjatyŭnych hrup. Pra heta paviedamiła staršynia Centrvybarkama Lidzija Jarmošyna, adkazvajučy 20 vieraśnia na pytańni žurnalistaŭ.
«Na minułych prezidenckich vybarach zajavy na rehistracyju inicyjatyŭnych hrup padavalisia dastatkova raŭnamierna. Ciapier ža da siaredziny adviedzienaha zakonam terminu pastupiła tolki adna zajava», — skazała jana.
Jarmošyna miarkuje, što pretendenty na pasadu kiraŭnika dziaržavy, napeŭna, praciahvajuć karektavać śpisy inicyjatyŭnych hrup, vypraŭlajučy ŭ ich pamyłki.
Pry hetym jana paviedamiła, što pretendenty mohuć karektavać skład inicyjatyŭnaj hrupy i paśla padačy zajavy ŭ Centrvybarkam. Pavodle słoŭ Jarmošynaj, na momant padačy zajavy 16 vieraśnia ŭ inicyjatyŭnuju hrupu ekanamista Viktara Ciareščanki ŭvachodziła 650 čałaviek, a ranicaj 20 vieraśnia ŭ jaje było dadatkova ŭklučana jašče stolki ž čałaviek.
0
0
0
0
0
0
