Prakuratura Pieršamajskaha rajona Minska raspačała spravu na padstavie č. 3 art. 210 Kryminalnaha kodeksa (kradziež šlacham złoŭžyvańnia słužbovymi paŭnamoctvami ŭ bujnym pamiery) u dačynieńni da 54-hadovaj zahadčycy adnaho z jaślaŭ-sada.

Jak paviedamili ŭ HUUS Minharvykankama, zahadčyca padazrajecca ŭ tym, što z 21 kastryčnika 2005 hoda pa 21 sakavika 2009 hoda pa miescy pracy, złoŭžyvajučy słužbovymi paŭnamoctvami, fiktyŭna pracaŭładkavała na roznyja pasady troch čałaviek i ŭčyniła kradziež bolš jak 12,6 młn. rubloŭ, čym pryčyniła ŭron biudžetu Minharvykankama.

Kryminalnaja sprava raspačata na padstavie materyjałaŭ adździeła pa baraćbie z ekanamičnymi złačynstvami Pieršamajskaha RUUS. Miera strymańnia ŭ dačynieńni da padazronaj nie abirałasia.

Častka 3 art. 210 KK praduhledžvaje pakarańnie ŭ vyhladzie pazbaŭleńnia voli na termin ad troch da dziesiaci hadoŭ z kanfiskacyjaj majomaści i pazbaŭleńniem prava zajmać peŭnyja pasady ci zajmacca peŭnaj dziejnaściu.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?