Paźniak i (asobna) Niaklajeŭ naviedali «Pinskuju šlachtu» ŭ Varšavie 25

Niaklajeŭ na scenie paśla śpiektakla.

30 vieraśnia na scenie varšaŭskaha teatru «Rampa» — premjera: biełaruski režyser, mastacki kiraŭnik Nacyjanalnaha akademičnaha teatru imia Janki Kupały Mikałaj Pinihin pradstaviŭ pa-polsku «Pinskuju šlachtu», a adnu z hałoŭnych rolaŭ u spektakli vykanaŭ kupałaviec Viktar Manajeŭ.

Zala varšaŭskaha teatru «Rampa» była amal całkam zapoŭnienaja. Siarod haściej byli viadomyja ŭ Polščy ludzi i znanyja biełarusy. Byŭ Zianon Paźniak. Byŭ taksama Uładzimier Niaklajeŭ, jaki napisaŭ teksty pieśniaŭ da pastanoŭki Pinihina. Spektakl z entuzijazmam byŭ sustrety hledačami, bo, jak kazali ŭ kuluarach, tema spektaklu — pa-za časam. A prysutnyja tut biełarusy taksama adznačali, što temu «Pinskaj šlachty» možna pieranieści na sučasnuju sytuacyju ŭ Biełarusi.

Sama navatarskaja pastanoŭka Pinihina taksama zrabiła ŭražańnie, asabliva apošnija, finalnaja scena, kali pinčuki stajali absalutna abadranyja pradstaŭnikom carskich uładaŭ, ale — stajali sa ściahami, sa svaimi šlachieckimi herbami.

Uvohule, premjera «Pinskaj šlachty» u Varšavie — heta vialikaja kulturnaja padzieja. Pa ŭsioj Varšavie — vializnyja plakaty spektaklu. Prysutničali zdymačnyja hrupy telebačańnia, vydadzieny admysłovy kalarovy albom. Akramia spektaklu, u budynku teatra «Rampa» adčyniłasia vystava vaśmi biełaruskich mastakoŭ.

0

0

0

0

0

0

Radyjo Svaboda

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH