U 2011 hodzie Biełaruś pavialičyć taryfnuju staŭku na tranzit rasijskaha hazu na 6%.

Pra heta zajaviŭ pieršy vice-premjer Biełarusi Uładzimir Siamaška 2 listapada na pasiadžeńni prezidyuma Savieta ministraŭ pry abmierkavańni prajekta dziaržprahramy raźvićcia tranzitnaha patencyjału krainy na 2011–2015 hady.

Siamaška padkreśliŭ, što štohadovy abjom prapampoŭvańnia pryrodnaha hazu praź Biełaruś składaje 43–44 młrd. kubamietraŭ. «Heta maksimalnaja zahruzka našaj hazatranspartnaj sistemy. U najbližejšyja hady fizičnaha pavieličeńnia abjomu tranzitu nie budzie, ale taryfy buduć uzrastać», — kanstatavaŭ pieršy vice-premjer.

Jon nahadaŭ, što

sioleta taryf na prapampoŭvańnie hazu składaje 1,88 dołara za 1 tys. kub. m na 100 km.

«U nastupnym hodzie budzie 2 dołara pa pahadnieńni, a heta rost na 6%, a dalej budziem spračacca», — skazaŭ Siamaška. Jon padkreśliŭ, što taryf pa tranzicie hazu pa terytoryi Ukrainy ŭžo siońnia składaje 2,5 dołara.

Budzie mianiacca taryfnaja palityka i ŭ dačynieńni da tranzitu nafty. Pavodle słoŭ Siamaški, Biełaruś čakaje padzieńnia abjomaŭ prapampoŭvańnia nafty ŭ suviazi z zapłanavanym na 1 studzienia 2011 hoda zapuskam naftapravoda BTS-2.

Pry hetym pieršy vice-premjer nahadaŭ, što pamiž biełaruskim i rasijskim bakami padpisany šerah dakumientaŭ pa pastaŭkach nafty. «Kožny hod formuła na tranzit pierahladajecca», — padkreśliŭ Siamaška.

U suviazi z hetym jon vykazaŭ niazhodu z aŭtarami prajekta dziaržprahramy raźvićcia tranzitnaha patencyjału, u jakim štohadovy dachod ad tranzitu nafty na praciahu 2011–2015 hadoŭ praduhledžany na ŭzroŭni 200 młn. dołaraŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?