«Ja kateharyčna suprać luboj dyktatury», — zajaviŭ eks-prezident Litvy Vałdas Adamkus, kamientujučy partału Delfi mahčymaść pieraabrańnia Alaksandra Łukašenki na pasadu prezidenta Biełarusi.

Nahadajem, 12 listapada na sustrečy z pasłami Jeŭrasajuza ŭ Vilni prezident Litvy Dala Hrybaŭskajcie zajaviła, što pieramoha Łukašenki na čarhovych prezidenckich vybarach zabiaśpiečyć stabilnaść Biełarusi i abmiažuje ŭpłyŭ Rasii ŭ hetaj krainie. «Łukašenka źjaŭlajecca harantam ekanamičnaj i palityčnaj stabilnaści Biełarusi i jaje niezaležnaści. My [Litva] nie chacieli b bačyć druhuju Rasiju ŭ jakaści svajho susieda», — cytavała Hrybaŭskajcie ahienctva Reuters sa spasyłkaj na dypłamatyčnuju krynicu ŭ ES.

U svaju čarhu były prezident Litvy ličyć, što paciapleńnie adnosin z aficyjnym Minskam nie moža sadziejničać enierhietyčnaj niezaležnaści Litvy. «Ja kirujusia pryncypami demakratyi. Lubaja sproba dahadzić dyktatury i apraŭdać jaje dla mianie nieprymalnaja», — zajaviŭ jon.

Adamkus nie staŭ kamientavać palityčnyja rašeńni litoŭskaha kiraŭnictva pa hetym pytańni. Razam z tym jon nahadaŭ:

«Pierad Druhoj suśvietnaj vajnoj Nevił Čembierlen, Eduard Daładje, Bienita Musalini i Adolf Hitler na padobnych asnovach, ab jakich vy ciapier havorycie, padpisali pahadnieńni na Miunchienskaj kanfierencyi».
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?