2 listapada ŭ telefonnaj razmovie z pradstaŭnikom pravaabarončaha centru «Viasna» supracoŭnica londanskaha ofisu Mižnarodnaj amnistyi Cheza Makhił paviedamiła, što jany raspačynajuć akcyju padtrymki Źmitra Daškieviča. Siabry Mižnarodnaj amnistyi pa ŭsim śviecie buduć dasyłać listy padtrymki palitviaźniu. Płanujucca taksama i inšyja zachady salidarnaści z Daškievičam.
Akramia taho, raskazała Cheza Makhił, Mižnarodnaja amnistyja pryznaje Źmitra Daškieviča viaźniem sumleńnia.
Zajava Pravaabarončaha centru «Viasna» u suviazi z vyniasieńniem žorstkaha prysudu Źmicieru Daškieviču
Pravaabarončy centr «Viasna» rasceńvaje kryminalny pieraśled i asudžeńnie moładzievaha lidera Źmiciera Daškieviča jak palityčnuju raspravu za pierakanańni i hramadzka-palityčnuju dziejnaść
My, siabry Pravaabarončaha centru «Viasna», vykazvajem rašučy pratest suprać asudžeńnia Źmiciera Daškieviča na 1,5 hadoŭ pazbaŭleńnia voli i ličym kryminalny pieraśled moładzievaha aktyvista niezakonnym, parušeńniem pravoŭ čałavieka.
Źmicier Daškievič byŭ zatrymany 15 vieraśnia 2006 hodu i abvinavačany pavodle art. 193.1 Kryminalnaha kodeksu Respubliki Biełaruś (arhanizacyja dziejnaści niezarehistravanaj arhanizacyi ci ŭdzieł u joj). Bolš za miesiac Źmicier niezakonna ŭtrymlivaŭsia ŭ SIZA u biesčałaviečych umovach. Sudovy praces pačaŭsia 30 kastryčnika ŭ sudzie Kastryčnikaha r-nu h. Minska i prachodziŭ za začynienymi dźviaryma ŭ horšych tradycyjach stalinskich časoŭ. Na sudovy razhlad nie dapuścili žurnalistaŭ, pradstaŭnikoŭ hramadzkaści, rodnych Źmiciera.
Pravaabarončy centr «Viasna» zajaŭlaje:
My ličym art. 193.1 KK Respubliki Biełaruś i praktyku jaho vykarystańnia parušeńniem pravoŭ hramadzianaŭ Biełarusi na svabodu asacyjacyŭ, svabodu vykazvańnia mierkavańjaŭ, harantavanych Kanstytucyjaj Biełarusi i Mižnarodnym Paktam ab hramadzianskich i palityčnych pravach.
My ličym, što z boku mižnarodnaj supolnaści i biełaruskaj hramadzkaści pavinna być dadzienaja adpaviednaja acienka dziejańniam kankretnych asobaŭ, jakija dapuskajuć parušeńni pravoŭ čałavieka ŭ krainie. U pryvatnaści, asobaŭ, jakija niepasredna zajmalisia pieraśledam Źmiciera Daškieviča: sudździ suda Kastryčnickaha r-na h. Minska Ały Bułaš; starejšaha savietnika justycyi prakuratury Kastryčnickaha r-na h. Minska Baroŭskaha, jaki padtrymlivaŭ dziaržaŭnaje abvinavačańnie padčas sudovaha pracesu; namieśnika Hienieralnaha prakurora Biełarusi Prusa, jaki sankcyjanavaŭ aryšt Źmiciera Daškieviča.
My zaklikajem pradstaŭnikoŭ ABSIE, Savieta pa pravach čałavieka AAN, mižnarodnych pravaabarončych arhanizacyŭ źviarnuć uvahu na sistematyčnyja parušeńni pravoŭ čałavieka ŭ Biełarusi.
My patrabujem nieadkładnaha vyzvaleńnia Źmiciera Daškieviča i inšych palityčnych viaźniaŭ Biełarusi i spynieńnia represijaŭ suprać palityčnych apanientaŭ režymu A. Łukašenki. h. Minsk, 02.11.06 h.
