Hienadź Ajhi – narodny paet Čuvašyi.
Hustava Arkas (Gustavo Arcos) – patryjarch kubinskich dysydentaŭ. U 50-ja ŭdzielničaŭ ź Fidelem Kastra ŭ baraćbie suprać dyktatury Batysty, paśla zmahaŭsia za demakratyju ŭžo suprać novaha dyktatara.
Red Aŭerbach (Red Auerbach) – Patryjarch baskietbołu, stvaralnik Boston Celtics i adkryvalnik talentaŭ Biła Raseła (Billa Russell) i Łary Biorda (Larry Bird).
Syd Baret (Syd Barrett) – symbal i achviara šalonych 60-ch. Vakalist, hitaryst, adzin z zasnavalnikaŭ psychadeličnaha roku i Pink Floyd.
Ryčard Biornz (Richard Burns) – pamior u dzień čaćviortaj hadaviny zdabyćcia tytułu čempijonu śvietu pa honkach.
Janka Bryl – narodny piśmieńnik, klasyk biełaruskaj litaratury.
Anna Burda (Anna Burda) – adna z pačynalnic niamieckaha ekanamičnaha cudu 50-ch.
Džordž Best (George Best) – «Pele i Maradonu pašancavała, što ja stolki žłukciŭ, bo inakš pra ich nichto i nia čuŭ by», – kazaŭ Džordž Best, hienijalny futbalist, jaki zmarnavaŭ talent na pjanstva i ŭciechi.
Michał Vituška – adziny z kiraŭnikoŭ paślavajennych nacyjanalnych antysavieckich ruchaŭ supracivu ŭ SCCR, jaki vyžyŭ u partyzancy i chavaŭsia ad savieckich ahientaŭ na Zachadzie.
Alaksandar Dziamieška – adzin z zasnavalnikaŭ «Pieśniaroŭ».
Alaksandar Zinoŭjeŭ – rasiejski piśmieńnik i filozaf, spačatku doŭhija hady vykryvaŭ absurdy kamunistyčnaj utopii, a paśla rasčaravaŭsia ŭ demakratyi, pačaŭ idealizavać kamunizm i navat Stalina.
Styŭ Irvin (Steve Irvin) – słavuty aŭstralijski palaŭničy na krakadziłaŭ, aŭtar znakamitaha pryhodnickaha dakumentalnaha seryjału «Łaviec krakadziłaŭ».
Ałan Kapraŭ (Allan Kaprow) – heta jon prydumaŭ chepeninh.
Mikoła Łatuškin – udzielnik biełaruskaha ruchu ŭ Čykaha, ZŠA.
Stanisłaŭ Lem (Stanisiaw Lem). «Kab ža ludzi navažylisia sumlenna stavicca da rečaŭ, to vybivali b na nadmahillach sakavityja praklony Pryrodzie za takoje padstupstva, zamiest taho, kab chavać dokazy jejnaha złačynstva pad bukietami kvietak».
Djordź Lihieci (György Ligeti) – adzin z najvybitniejšych kampazytaraŭ 2-j pałovy XX stahodździa, symbal muzyčnaha avanhardu z čałaviečym tvaram.
Akbar Mahamadzi – pravadyr studenckich pratestaŭ u Iranie.
Nadžyb Mahfuz – aŭtar «Padańnia staroha Kairu», uvajšoŭ u historyju ŭ 1998 hodzie jak pieršy arab, uznaharodžany Nobeleŭskaj premijaj pa litaratury.
Habryjel Mantalva – pieršy apostalski nuncyj u Biełarusi.
Słabadan Miłošavič – kažuć, nibyta jon pamior ad lekaŭ, jakija prymaŭ nielehalna, kab dakazać sudu, što za kratami stan jahonaha zdaroŭja ŭvieś čas paharšaŭsia.
Ŭoren Mitoŭski (Warren Mitofsky) – stvaralnik exit polls.
Kanstancin Myśliviec – aktyvist biełaruskaha nacyjanalnaha ruchu na Paleśsi.
Sven Nikvist (Sven Nykvist) – lehiendarny kinaaperatar, uładalnik troch «Oskaraŭ», ad 1953 hodu supracoŭnik Inhmara Berhmana.
Hanna Palitkoŭskaja – rasiejskaja žurnalistka, jakuju zastrelili ŭ jejnym domie ŭ centry Maskvy.
Uładzimier Pleščanka – aktyvist nacyjanalnaha ruchu, adzin z najviadomiejšych hramadzkich dziejačaŭ Viciebsku.
Ibrahim Ruhova – pravadyr kosaŭskich ałbancaŭ. Prychilnik baraćby za niezaležnaść biez užyvańnia hvałtu.
Sofja Samal – apošniaja ŭdzielnica pavajennych padziejaŭ, źviazanych ź imiem Janki Filistoviča, jakaja atrymała 10 hadoŭ savieckaha lahieru za supracoŭnictva z «voraham narodu».
Alfreda Stresner (Alfredo Stroessner) – šmathadovy dyktatar Parahvaju (1954–89) i prykład dla pierajmańnia mnohim maładziejšym dyktataram.
Ksiondz Jan Tvardoŭski (Jan Twardowski). «Śpiašajmasia lubić ludziej, jany ž tak chutka sychodziać», – hetyja słovy stalisia afaryzmam.
Aryjana Falačy (Oriana Fallaci) – słavutaja reparterka, jakaja zadavała niedyplamatyčnyja pytańni manarcham i dyktataram.
Džon Faŭłz (John Fowles) – anhielski piśmieńnik, klasyk postmadernizmu.
Elizabet Švarckopf (Elizabeth Schwarzkopf) – najsłavutaja opernaja śpiavačka XX st.
