4 listapada adbudziecca apošni 26 tur čempijanata Biełarusi pa futbole. Ale jašče niama peŭnaści, ci vyznačycca ŭ im čempijon krainy. Siońnia na załatyja medali pretendujuć dźvie kamandy: barysaŭski BATE i mienskaje “Dynama”.
Ciapieraka barysaŭcy apiaredžvajuć “dynamaŭcaŭ” na try punkty, ale BATE čakaje ciažki vyjezd u Salihorsk. “Šachtar” taksama nie zhubiŭ šancaŭ na medali. Jak i MTZ-RIPA, jakija jeduć u hości da “Homiela”. Mienskaje “Dynama” budzie hulać z adnaklubnikami ŭ Bieraści.
Kali BATE prajhraje ŭ Salihorsku, a mienskaje “Dynama” pieramoža ŭ Bieraści, to nas čakaje matč za čempijonstva, jaki, najchutčej, adbudziecca na neŭtralnym stadyjonie. U historyi biełaruskaha futbołu ŭžo adnojčy byŭ “załaty” matč. U 2002 hodzie ŭ Miensku ŭsio toje ž BATE pieramahło haradzienski “Nioman”.
Ciapier niama nijakaj peŭnaści, jak raźmiarkujucca medali ŭvohule. Dakładna tolki viadoma, što ŭ pryzerach budzie BATE. Pry kankretnych varyjantach biez uznaharodaŭ moža zastacca navat mienskaje “Dynama”.
Usie matčy apošniaha turu pačnucca ŭ adzin čas, a 14:00.
Matčy 26 turu
Salihorsk. Stadyjon “Budaŭnik”. “Šachtar” – BATE. Kvitok – 4000 rubloŭ (dziciačy – 2000)
Bieraście. Stadyjon “Bieraściejski”. “Dynama” (Bieraście) – “Dynama” (Miensk). Kvitok – 1200-3800.
Homiel. Stadyjon “Centralny”. “Homiel” – MTZ-RIPA. Kvitok – 2500-4000 (dziciačy – 1500).
Viciebsk. Stadyjon “Viciebski”. “Lakamatyŭ” (Viciebsk) – “Daryda”. Kvitok – 2000-5000.
Horadnia. Stadyjon “Nioman”. “Nioman” – “Lakamatyŭ” (Viciebsk). Uvachod volny.
Babrujsk. Stadyjon “Spartak”. “Biełšyna” – “Tarpeda”. Uvachod volny.
Navapołacak. Stadyjon “Atlant”. “Naftan” – “Dniapro”. Kvitok – 2000 (dziciačy – 1000).
Turnirnaja tablica ciapier vyhladaje nastupnym čynam:
Hulni Punkty
1 BATE (Borysaŭ) 25 54
2 Dynama (Miensk) 25 51
3 Šachtar (Salihorsk) 25 48
4 MTZ-RIPA (Miensk) 25 48
5 Homiel 25 42
6 Daryda (Ždanovičy) 25 37
7 Lakamatyŭ (Viciebsk) 25 35
8 Naftan (N-Połacak) 25 34
9 Dynama (Bieraście) 25 30
10 Nioman (Horadnia) 25 27
11 Tarpedo (Žodzina) 25 27
12 Dniapro (Mahiloŭ) 25 23
13 Lakamatyŭ (Miensk) 25 19
14 Biełšyna (Babrujsk) 25 9
