Polšča zablakavała padpisańnie dakumentaŭ ab pačatku pieramovaŭ u spravie padpisańnia novaha pahadnieńnia ab partnerstvie pamiž Rasiejaj i Eŭraźviazam, jakija byli zaplanavanyja na 24 listapada, kali adbudziecca samit Eŭraźviaz-Rasieja
Polšča stavić svaju padtrymku pačatku pieramovaŭ u spravie novaha pahadnieńnia ab partnerstvie pamiž Rasiejaj i Eŭraźviazam u zaležnaść pieradusim ad skasavańnia Maskvoj zabarony na ekspart na rasiejski rynak polskich sielskahaspadarčych praduktaŭ.
Varšava ličyć, što Rasieja niespraviadliva ŭviała hetuju zabaronu, a Brusel nie vykazvaje ŭ dastatkovaj stupieni sałdarnść z palakami ŭ hetaj spravie.
Premjer-ministar Polščy Jarasłaŭ Kačynśki skazaŭ, što jahonaja kraina choča dobrych dačynieńniaŭ pamiž Eŭraźviazam i Rasiejaj, ale maje taksama svaje intaresy, jakija ŭ dadzienym vypadku ihnarujucca.
(Kačynśki: ) «Kali i nadalej budzie tak, što ciapierašniaje pahadnieńnie nie vykonvajecca što da Polščy, bo Rasieja jaho praostu ihnaruje, dyk kaniešnie my budziem blakavać pieramovy».
Polšča i Litva nastojvajuć taksama na tym, kab Rasieja adkryła dla eŭrapiejskich investaraŭ dostup da svaich enerharesursaŭ i sietak, pa jakich jany pierasyłajucca.
Siabra Eŭarpiejskaj kamisii ŭ zamiežnych spravach Benita Ferera-Valdner zajaviła, što spadziajecca što da samitu 24 listapada dziaržavy Eŭraźviazu usio ž vypracujuć adzinuju pazycyju što da mandatu pieramovaŭ z Rasiejaj.
U Varšavie, adnak, nie padzialajuć hetaha aptymizmu – polskija ekspartery charčoŭ zhubili miljony złotych u vyniku rasiejskaj zabarony, polski bok taksama mocna zaniepakojeny damoŭlenaściami pamiž Maskvoj i Berlinam ŭ spravie pastavak hazu za śpinoj inšych krainaŭ Eŭraźviazu.
U takoj sytuacyi vypracavać kampramis buzie ciažka, ale inačaj paprostu nielha – rašeńni ŭ takich pytańniach prymajucca ŭ Eŭraźviazie tolki pry zhodzie ŭsich dziaržavaŭ-siabroŭ abjadnanaj Eŭropy.
Termin dziejańnia ciapierašniaha pahadnieńnia pamiž Rasiejaji Eŭraźviazam skančajecca ŭ 2007 hodzie.
