Viarchoŭnaja Rada Ŭkrainy pryznała haładamor 1932–1933 hadoŭ hienacydam ukrainskaha narodu. Za prezydencki varyjant zakonu z papraŭkami śpikiera Alaksandra Maroza prahałasavali 233 deputaty.

Nie hałasavali Partyja rehijonaŭ dy kamunisty. Deputaty i analityka adznačajuć surjoznyja raźbiežnaści, jakija vyjavilisia siarod antykryzisnaj kaalicyi padčas abmierkavańnia zakonu.

Prezydent Viktar Juščanka nazvaŭ uchvaleńnie dakumentu histaryčnym aktam.

Ranicoju na razhlad Viarchoŭnaj Rady ŭnieśli dva zakonaprajekty – prezydencki i deputacki.

Hałoŭnym adroźnieńniem miž imi było toje, što ŭ prezydenckim varyjancie haładamor vyznačaŭsia jak hienacyd ukrainskaj nacyi, a publičnyja vykazvańni suprać haładamoru zabaranialisia zakonam, u deputackim – takoj zabarony nie było, a sam haładamor nazyvaŭsia trahiedyjaj ukrainskaha narodu.

Zakonaprajekt prezydenta

  • kvalifikuje Haładamor 1932–1933 hadoŭ va Ŭkrainie jak hienacyd ukrainskaj nacyi;
  • zabaraniaje vykazvańni suprać Haładamoru 1932–1933 hadoŭ va Ŭkrainie;
  • zabaviazvaje orhany dziaržaŭnaj ułady dy orhanaŭ miascovaha samakiravańnia Ŭkrainy da ŭšanavańnia pamiaci achviaraŭ dy paciarpiełych ad Haładamoru;
  • pastanaŭlaje, što ŭpaŭnavažanym centralnym orhanam vykanaŭčaj ułady ŭ pytańniach uznaŭleńnia histaryčnaje praŭdy pra haładamor va Ŭkrainie dy ŭšanavańnie pamiaci achviar jość Ukrainski instytut nacyjanalnaje pamiaci;
  • harantuje dziaržaŭnuju padtrymku na daśledavańni dy zachady dziela ŭšanavańnia pamiaci achviar Haładamoru 1932–1933 hadoŭ va Ŭkrainie na asnovie dziaržaŭnaje prahramy;
  • zabaviazuje Kabinet Ministraŭ dy Kijeŭskuju haradzkuju dziaržadministracyju zabiaśpiečyć ustalavańnie ŭ Kijevie Memaryjalnaha kompleksu pamiaci achviaraŭ haładamoraŭ u 75-ja ŭhodki Haładamoru 1932–1933 hadoŭ va Ŭkrainie.

Hladzi jašče:

Hołodomor: niedoriečnij riebriendinh

«…Ci nie zasłuhoŭvaje hetaje złačynstva taho, kab stać asobnym precedentam u historyi, kab užo da jaho pryraŭnoŭvali inšyja, mienšyja maštabam, analahičnyja złačynstvy režymaŭ? Ci nie zasłuhoŭvaje jano na asobnaje imia?

Mabyć, ukrainski dośvied adšukańnia i śćviardžeńnia histaryčnaj praŭdy moh by być vieličeznaju dapamohaju tym, chto zmahajecca za iścinu ŭ svaich krainach.

Tamu hetaja sprečka maje być prypynienaja. Ale ž u joj chavajecca niebiaśpiečnaja pastka – «nie hienacyd – značycca, i nie złačynstva».

dalej

Hołodomor biez ukrajinciv?

«Haładamor – heta pieršaje kamunistyčnaje złačynstva, jakoje narešcie budzie asudžanaje va Ŭkrainskaj dziaržavie. Za im pojduć inšyja – kalektyvizacyja, źniščeńnie ŭkrainskaj carkvy, hienacyd krymskich tataraŭ, aperacyja «Visła», Čarnobyl, rusifikacyja. My pavinnyja skončyć kamunistyčnuju epochu va Ŭkrainie. Heta važna i dla ŭsiaho śvietu».

dalej

Клас
0
Панылы сорам
0
Ха-ха
0
Ого
0
Сумна
0
Абуральна
0