22 sakavika ŭ Minsku adbyłasia prezientacyja elektraciahnika vytvorčaści šviejcarskaj kampanii Stadler Bussnang AG. Novyja ciahniki buduć pracavać u farmacie haradskoj elektryčki. Pieršaja takaja haradskaja elektryčka pačnie kursiravać ad stancyi Minsk-Pasažyrski da Ždanovič u druhoj pałovie 2011 hoda
.

Va ŭračystym adkryćci pieršaj haradskoj elektryčki pryniali ŭdzieł načalnik Biełaruskaj čyhunki Anatol Sivak, kiraŭnik Stadler Rail Group Pietet Špuler, staršynia Minskaha haradskoha savieta deputataŭ Michaił Savanovič. A taksama pradstaŭniki čyhunačnych administracyj krain SND, Litvy, Łatvii, Estonii, Finlandyi i inšyja aficyjnyja asoby.

Pietet Špuler adznačyŭ na prezientacyi, što heta pieršy kantrakt jahonaj kampanii na terytoryi krain SND. Pamiž šviejcarskaj kampanijaj i Biełaruskaj čyhunkaj byŭ padpisany "Miemarandum ab supracoŭnictvie", jaki datyčyć nastupnych zakupak ruchomaha składu i siervisu.

Pa słovach Anatola Sivaka, u bližejšy čas haradskija elektryčki buduć kursiravać pa maršrucie Minsk-Pasažyrski — Ždanovičy, u pierśpiektyvie maršrut praciahniecca da Zasłaŭja. Čakajecca, što ŭ budučyni haradskija elektryčki buduć chadzić i da Smalavičaŭ.

BČ zaklučyła kantrakt sa Stadler Bussnang AG na pastaŭku 10 elektraciahnikoŭ novaha pakaleńnia ŭ sakaviku 2010 hoda. Piać ź ich prybuduć u Biełaruś u 2011 hodzie, astatnija — u 2012-m.

 22 sakavika ŭ Minsku prezientavali šviejcarskuju elektryčku firmy Stadler.

22 sakavika ŭ Minsku prezientavali šviejcarskuju elektryčku firmy Stadler.

 22 sakavika ŭ Minsku prezientavali šviejcarskuju elektryčku firmy Stadler.

22 sakavika ŭ Minsku prezientavali šviejcarskuju elektryčku firmy Stadler.

 Aficyjnaja častka. Vystupaje Pieter Špuler, kiraŭnik Stadler Rail Group.

Aficyjnaja častka. Vystupaje Pieter Špuler, kiraŭnik Stadler Rail Group.

 Pieter Špuler i Anatol Sivak pierarazajuć stužku.

Pieter Špuler i Anatol Sivak pierarazajuć stužku.

 22 sakavika ŭ Minsku prezientavali šviejcarskuju elektryčku firmy Stadler.

22 sakavika ŭ Minsku prezientavali šviejcarskuju elektryčku firmy Stadler.

 Pieter Špuler, kiraŭnik Stadler Rail Group.

Pieter Špuler, kiraŭnik Stadler Rail Group.

 Načalnik Biełaruskaj čyhunki Anatol Sivak.

Načalnik Biełaruskaj čyhunki Anatol Sivak.

 22 sakavika ŭ Minsku prezientavali šviejcarskuju elektryčku firmy Stadler.

22 sakavika ŭ Minsku prezientavali šviejcarskuju elektryčku firmy Stadler.

 22 sakavika ŭ Minsku prezientavali šviejcarskuju elektryčku firmy Stadler.

22 sakavika ŭ Minsku prezientavali šviejcarskuju elektryčku firmy Stadler.

 22 sakavika ŭ Minsku prezientavali šviejcarskuju elektryčku firmy Stadler.

22 sakavika ŭ Minsku prezientavali šviejcarskuju elektryčku firmy Stadler.

 Nie pić, nie palić, z chatnimi žyviołami nie ŭvachodzić!

Nie pić, nie palić, z chatnimi žyviołami nie ŭvachodzić!

 U kabinie mašynista.

U kabinie mašynista.

Asnoŭnyja charaktarystyki elektraciahnikoŭ dla ekspłuatacyi na haradskich linijach*

Najmienavańnie paramietra Značeńnie

Daŭžynia ciahnika, m 75,2

Kolkaść vahonaŭ 4

Kolkaść miescaŭ dla siadzieńnia 260

Ahulnaja kolkaść pasažyrskich miescaŭ 624

Paskareńnie pry kranańni ź miesca, m/s2 1,2

Kanstrukcyjnaja chutkaść, km/h 160

Interjer vahonaŭ

Elektraciahnik maje panižanuju padłohu, što palahčaje pasadku i vysadku pasažyraŭ, śvietłyja i prastornyja sałony, jakija stvarajuć spryjalnyja ŭmovy dla pieramiaščeńnia pasažyraŭ unutry vahonaŭ i pamiž imi z zabieśpiačeńniem bačnaści pa ŭsioj daŭžyni ciahnika.

Dźviery elektraciahnika majuć prajom šyrynioj 1300 mm, što ŭ spałučeńni z adnaŭzroŭnievymi pasadačnymi płatformami vyšynioj 550 mm (jeŭrapiejski standart) dazvalaje chutka ažyćciavić pasadku i vysadku pasažyraŭ i skaracić praciahłaść stajanak na prypynačnych punktach.

Dla palahčeńnia pasadki i vysadki pasažyraŭ z płatformaŭ vyšynioj 200 mm, jakimi abstalavana pieravažnaja kolkaść stancyj Biełaruskaj čyhunki, praduhledžany śpiecyjalnyja vysoŭnyja prystupki.

Kala kožnych uvachodnych dźviarej ciahnika majecca zona padahrevu padłohi, jakaja pieraškadžaje nakapleńniu śniehu i lodu i praduchilaje mahčymyja vypadki traŭmatyzmu pasažyraŭ u zimovy čas.

Usie ŭvachodnyja dźviery abstalavany ciepłavymi zaviesami, jakija dazvalajuć praduchilić straty ciopłaha pavietra pry pasadcy i vysadcy, ekanomiačy tym samym elektraenierhiju na aciapleńnie sastavu.

U adnym z vahonaŭ kožnaha składu vydzielena prastornaja šmatfunkcyjanalnaja zona dla pasažyraŭ u invalidnych vazkach, ź dziciačymi kałyskami, rovarami i hruvastkim bahažom.

U hetaj zonie raźmieščanaja prybiralnia vakuumnaha typu, abstalavanaja padahrevam vady, dazataram vadkaha myła i elektryčnaj suškaj dla ruk, jakaja taksama prystasavanaja dla karystańnia pasažyrami z abmiežavanymi fizičnymi mahčymaściami.

Elektraciahnik abstalavany sistemami kandycyjaniravańnia pavietra i aciapleńnia, adaptavanymi da klimatyčnych umoŭ Biełarusi, jakija dazvalajuć padtrymlivać kamfortnuju tempieraturu ŭnutry sałonaŭ i ŭ kabinie mašynista. Mahutnaść aciaplalnaj sistemy ŭ zimovy pieryjad zdolnaja zabiaśpiečyć tempieraturu ŭ sałonach da + 20 ° S, pry tempieratury vonkavaha pavietra da - 30 ° S.

Vahony majuć patrojnyja škłopakiety z taniroŭkaj, ciepła-i soncaachoŭnym pakryćciom, jakija zabiaśpiečvajuć vysoki kaeficyjent ciepłaizalacyi pry zachavańni vysokaj śviatłaprapusknoj zdolnaści.

U pasažyrskich sałonach zmanciravana niekalki dysplejaŭ, na jakija vyvodzicca infarmacyja ab maršrucie ruchu ciahnika, tempieratury vonkavaha pavietra, realnymym časie. Z dapamohaj hetych ža dysplejaŭ možna ažyćciaŭlać tranślacyju roznych videazapisaŭ.

Na ścienkach ŭsich uvachodnych placovak zmantavanyja knopki i mikrafony dla ekstranaj suviazi pasažyraŭ z mašynistam. U vahonach ŭstanoŭlena niekalki kamier videanazirańnia ź pieradačaj malunka na dysplej ŭ kabinie mašynista. Zapisanaja infarmacyja zachoŭvajecca na praciahu 72 hadzin.

*Infarmacyja sajta Biełaruskaj čyhunki.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?