Biełaruskija bankamaty zapracavali ŭ zvykłym režymie. Na sajcie Biełaruskaha pracesinhavaha centru źjaviłasia infarmacyja z tłumačeńniem, čym byŭ vyklikany zboj bankamataŭ i infakijoskaŭ pa ŭsioj krainie:
«Infarmujem pra toje, što 24 sakavika 2011 hoda ŭ pieryjad z 12:20 da 13:33 u sistemach AAT «Bankaŭski pracesinhavy centr» nie adbyvałasia apracoŭka aŭtaryzacyjnych zapytaŭ.
Hetaja situacyja nie źjaviłasia techničnym zbojem. Spynieńnie prahramnaha kompleksu apracoŭki aŭtaryzacyjnych zapytaŭ u režymie realnaha času ažyćciaviŭ absłuhoŭvajučy piersanał u adpaviednaści ź dziejsnymi instrukcyjami dla praduchileńnia zatrymak u pryjomie infarmacyi ad absłuhoŭvanych pradpryjemstvam bankaŭ, jakaja ŭtrymlivała aktualnyja dadzienyja pa rachunkach klijentaŭ.
Ciapier sistema apracoŭki apieracyj z kartkami bankaŭ pracuje ŭ štatnym režymie realnaha času. Prynosim svaje vybačeńni ŭsim trymalnikam kart za pryčynienyja niazručnaści».
Inšymi słovami, supracoŭniki pracesinhavaha centra «nacisnuli na rubilnik» i spynili pracu usich bankamataŭ u krainie.Maŭlaŭ, heta praduhledžvała ŭnutranaja instrukcyja.
Nahadajem, što apoŭdni ŭładalniki płastykavych kartak sutyknulisia ź niepryjemnaj navinoj — jany nie mahli atrymać svaje hrošy ŭ bankamatach albo apłacić tavar u kramach. Techničny zboj paćvierdzili
