U 2011 hodzie ŭ płanach kampanii Heineken vyraścić kala 15 tys. ton jačmieniu ŭ Homielskaj vobłaści, što ŭ 2,5 razu bolš, čym letaś. Dadatkova prapracoŭvajecca pytańnie ab vyroščvańni jačmieniu ŭ Mahiloŭskaj vobłaści.Pra heta BiełaPAN paviedamiła mieniedžer pa karparatyŭnych adnosinach kampanii Heineken u Biełarusi Darja Łyskaviec.
Z 2008 hoda Heineken u Biełarusi realizuje ŭnikalny inviestycyjny prajekt pa vyroščvańni vysakajakasnaha pivavarnaha jačmieniu. Łyskaviec zaznačyła, što ŭ 2010 hodzie nadvorje niehatyŭna paŭpłyvała na ŭradžaj. Kampanija Heineken u Biełarusi vymušana była pajści na źnižeńnie płanavanych abjomaŭ zakupki i reziervu syraviny. «Dziakujučy štodzionnaj pracy nad skaračeńniem strataŭ i rekanstrukcyi ŭłasnaj saładoŭni ŭ Rečycy, kampanija Heineken u Biełarusi navat u takich ciažkich umovach zmahła poŭnaściu zabiaśpiečyć siabie syravinaj i stvaryć nievialiki pierachodny astatak jačmieniu. Hetyja miery dazvalajuć kampanii praciahvać pracavać, vykarystoŭvajučy tolki ŭłasnuju syravinu», — paviedamiła Łyskaviec.
U 2011 hodzie dla pasievu budzie vykarystoŭvacca nasieńnie elitnych hatunkaŭ pivavarnaha jačmieniu — «fiładelfija» i «siebaśćian», jakija byli atrymany z nasieńnia, pradastaŭlenych Heineken u Biełarusi haspadarkam dla prachodžańnia dvuchhadovaha etapu repradukcyi ŭ Biełarusi. Heta standartnaja jeŭrapiejskaja praktyka, jakaja sadziejničaje adaptacyi jačmieniu da miascovych umoŭ i dazvalaje farmiravać aptymalny košt pivavarnaha jačmieniu. Jašče adzin važny kirunak pracy ŭ miežach prajekta — heta vyprabavańnie i siertyfikacyja ŭ Ministerstvie sielskaj haspadarki novych hatunkaŭ nasieńnia — «marni», «kanhu» i «strajf». U 2012 hodzie praces siertyfikacyi budzie zavieršany: hatunki buduć uniesieny ŭ dziaržaŭny rejestr z poŭnym dazvołam ich vykarystańnia ŭ Biełarusi. Užo siońnia kampanija zavozić nievialikija partyi hetych hatunkaŭ nasieńnia dla pačatku repradukcyi. Praz try hady ź ich płanujecca atrymać uradžaj vysakajakasnaha pivavarnaha jačmieniu. U 2011 hodzie pačniecca repradukcyja novaha vysokaŭradžajnaha hatunku «tarhał».
U 2011 hodzie dla raźvićcia prajekta pa vyroščvańni vysakajakasnaha pivavarnaha jačmieniu Heineken u Biełarusi budzie supracoŭničać z 49 haspadarkami Homielskaj vobłaści (u 2010 hodzie — z 20 haspadarkami). Štodzionny kantakt z haspadarkami, raźmierkavańnie nasieńnia i pravierku hleby ažyćciaŭlaje vopytny ahranom kampanii Heineken u Biełarusi. Dadatkovaja padtrymka i pakvartalnaje abśledavańnie ziamiel znachodzicca ŭ zonie adkaznaści bielhijskaha ahrakansultanta, jaki pracuje nad prajektami pa vyroščvańni pivavarnaha jačmieniu ŭ adzinaccaci krainach śvietu.
