Pieršy kiraŭnik niezaležnaj Biełarusi Stanisłaŭ Šuškievič vykazvaje parady maładafrontaŭcam, abaraniaje Źmitra Daškieviča i dzielicca mierkavańniem ab sioletnim Dni Voli.
«Kali hladžu na tvar Daškieviča
Stanisłaŭ Stanisłavavič vielmi choča, kab na šlachu maładafrontaŭcaŭ nie było turmy. «Žadaju, kab vy išli inšym šlacham, kab byli ŭ miežach zakonu, kab arhanizoŭvali niehvałtoŭny supraciŭ, jak heta ŭdała robić Daškievič», — paviedamiŭ palityk.
Sioletni Dzień Voli 25 sakavika dla Stanisłava Šuškieviča dzień nia nadta śviatočny, bo šmat ludziej zastajecca za kratami paśla 19 śniežnia. Treba pratestavać, ale pratestavać razumna. «Nie mnie davać parady, jak dziejničać maładym. U vas jość svoj rozum, vy ščyryja ludzi, adukavanyja ludzi. Vy vychavali tych, chto viadomy ŭsiamu śvietu, naprykład, Pałažanku, Daškieviča. Ja vam žadaju pośpiechaŭ!»
Stanisłaŭ Stanisłavavič raić maładafrontaŭcam nie davać uładzie padstavaŭ dla aryštaŭ: «Ja vielmi chaču, kab vy, darahija maje maładafrontaŭcy, nia leźli na ražon. Abarani vas Boh! Nie padstaŭciesia, kab milicyjanty nie zmahli vam prypisać vydumanych złačynstvaŭ. Zyču bolej strymanaści, kali raptam vas buduć pravakavać na parušeńni pravaparadku».
