Mikoła Statkievič skončyŭ aznajamleńnie z kryminalnaj spravaj. Dopyty Alaksandra Fiaduty spynilisia, a pra dalejšy los kryminalnaj spravy nieviadoma. U spravie 19 śniežnia moža źjavicca try novyja abvinavačanyja.
24 sakavika były kandydat na prezydenta Mikoła Statkievič skončyŭ znajomicca z materyjałami kryminalnaj spravy, u jakoj palityk fihuruje jak arhanizatar masavych biesparadkaŭ 19 śniežnia. Pra heta advakat Taciana Stankievič paviedamiła hramadzianskaj žoncy Mikałaja Marynie Adamovič.
«Skončyli znajomicca z spravaj. Advakat budzie pisać niejkija skarhi, potym skaža, jakija dakładna. Chacia nie sumniavajecca, jakija na ich buduć adkazy. I dalej budzie čakać rašeńnia ab pieradačy spravy ŭ sud. Jakaja była reakcyja Statkieviča? A jakaja moža być reakcyja? Dumajecie, jon budzie aburacca ci niejkija lozunhi kidać? Biezumoŭna, nie. Što da taho, pryznaje siabie vinavatym ci nie, ja takija pytańni j nie zadaju. Bo,
Aznajamleńnie pravodziłasia ciaham troch dzion. Častkova ŭ KDB, častkova na vulicy Sapioraŭ, u śledčym kamitecie MUS. Maryna Adamovič miarkuje, što sprava moža trapić u sud užo ŭ krasaviku, a praces moža pačacca ŭ druhoj pałovie krasavika. Taksama Maryna Adamovič miarkuje, što razam ź Mikałajem Statkievičam buduć sudzić byłoha kandydata na prezydenta Dźmitryja Vusa i jašče niekalki ŭdzielnikaŭ padziej 19 śniežnia.
