Rehistratar damiennych imionaŭ Reg.ru vypuściŭ ekskluziŭnuju sieryju iPhone 4, pryśviečanuju damiennaj zonie. rf, piša CNews. Smartfony liniejki SimaPhone 4.RF raspracavanyja dyzajnieram Dzianisam Simačovym i vykananyja ŭ styli rośpisu pad chachłamu. U prodažy dastupnyja madeli Classic, Moscow, Rave i White.
Pry azdableńni kožnaha smartfona było vykarystana 5 h zołata
«SimaPhone 4. RF — heta imidžavy smartfon dla patryjotaŭ, jakija hanaracca tym, što mohuć pracavać u siecivie na rodnaj movie.Madel my vyrabili ekskluziŭna dla Reg.ru. Pryładu my ŭpryhožyli dziaržaŭnymi simvałami, bo ŭ pieryjady, kali robicca składana akreślić ruskuju nacyjanalnuju ideju, mienavita znaki słužać aryjentyrami. Hety miesidž na novym SimaPhone 4. RF vyznačaje pohlady čałavieka… My dajem mahčymaść amataram ajfonaŭ vykazacca pra svaju patryjatyčnaść. SimaPhone 4. RF — honar za ŭłasnuju „ruskaść“», — raspavioŭ Dzianis Simačoŭ.
SimaPhone 4. RF dastupny tolki pa papiarednich zamovach. Madel z 16 HB pamiaci acanili ŭ 75 tys. rasijskich rubloŭ (kala $2650), z 32 HB — u 80 tys. rubloŭ ($2830).
